Patay ang 22 katao matapos ang pagbaha sa timugang bahagi ng Iran dulot ng malakas na pag-ulan.
Ayon kay Khalil Abdollahi, pinuno ng Crisis Management Department ng Probinsya ng Fars, isang katao pa ang nawawala dahil sa pagbaha.
Nasa 55 katao naman ang nailigtas sa pagbaha na nagpalubog din ng 15 sasakyan.
Ngayong araw idineklara na ang Day of Mourning sa Fars bilang pakikiramay sa mga nasawi.
