June 2026

Matatanggap na ng mga empleyado ng gobyerno ang kanilang midyear bonus simula sa Mayo 15.

Ayon sa Department of Budget and Management o DBM, ang naturang bonus ay katumbas ng isang buwang sweldo ng mga kawani maging regular, contractual, appointive o elective, full time o part time na empleyado ng pamahalaan.

Makakatanggap cash incentive ang mga empleyado sa ilalim ng executive, legislative, judiciary, constitutional commission and offices at state universities and colleges.

Desisyon naman ng governing boards ng GOCC o Government Owned and Controlled Corporations at municipal at city council kung magbibigay ng midyear bonus kanilang mga empleyado.

By Rianne Briones 

Ginagawa ng pamahalaan ang lahat upang matiyak lamang na mapipigilan nito ang pagpasok ng mga terorista sa Pilipinas.

Ito ang ginawang pagtitiyak ni National Security Adviser Hermogenes Esperon Jr bilang reaksyon sa ulat na may pito hanggang walong miyembro umano ng ISIS o Islamic State of Iraq and Syria ang namataang nasa bansa na.

Ayon kay Esperon, kaagapay ng Pilipinas ang mga bansang Malaysia at Indonesia sa pagsumpo sa terorismo partikular na sa mga karatagang nasasakupan ng mga nasabing bansa.

Magugunitang isang Indonesian umano ang namataan na kasama ng Abu Sayaf leader na si Isnilon Hapilon na nakapasok sa bansa nuong Marso habang mayruon pang apat na Indonesian din ang sumali sa mga bandido kabilang na ang Maute Group.

By: Jaymark Dagala

Doble higpit na seguridad ang ipinatutupad ngayon sa lalawigan ng Palawan partikular na sa mga kilalang tourist spot sa lugar.

Sa Puerto Princesa City, naglatag na ang kanilang lokal na pamahalan ng contingency plan bilang pagtugon na rin sa inilabas na travel advisories ng iba’t ibang bansa.

Kasama sa nasabing plano ang pagbuo ng kanilang command center at hotline na maaaring tawagan ng mga residente sakaling makapasok na nga sa kanilang lugar ang mga hinihinalang terorista.

Inatasan din ng lokal na pamahalaan ang mga resort owners na ugaliing humingi ng ID o identification cards sa kanilang mga guest gayundin ang pagkuha ng impormasyon sa mga ito.

Ilan sa mga lugar na dinarayo ng mga turista ang Puerto Princesa Underground River gayundin ang mga beach resorts at mga isla sa bayan ng El Nido at Coron.

By: Jaymark Dagala

Nilinaw ng VACC o Volunteers Against Crime and Corruption na hindi nila tuluyang ini-aatras ang kanilang pagsuporta sa kampaniya kontra iligal na droga ng Administrasyong Duterte

Sinabi ni VACC Spokesman Arsenio “boy” Evangelista sa panayam ng programang Balita Na, Serbisyo Pa na kailangan muling magkaroon ng malawakang paglilinis sa hanay ng pambansang pulisya

Partikular na tinukoy ni Evangelista ang kaso ng isang 52 anyos na kawani ng pamahalaan sa Bacolor, Pampanga kamakailan na di umano’y biktima ng tanim droga modus ng mga pulis

Pakingan: Bahagi ng pahayag ni VACC Spokesman Arsenio “boy” Evangelista

Dahil dito, nakatakdang makipagpulong ang VACC sa DILG at liderato ng PNP para maisakatuparan ang ninanais nilang paglilinis sa hanay ng mga tagapagpatupad ng batas

Giit ni Evangelista, dapat aniya iyong magsimula sa recruitment pa lamang ng mga bagong pulis upang hindi na dumami pa ang mga tinaguriang pulis iskalawags

By: Jaymark Dagala / BNSP

Tatlong oras naperhuwisyo ang mga subscribers ng Globe Telecom at Smart Communications sa bahagi ng Quiapo, Maynila kahapon

Ito’y makaraang pansamantalang putulin ng dalawang higanteng Telcos ang cellphone signal mula alas 3:00 ng hapon hanggang ala 6:00 ng gabi

Batay sa abiso ng Globe at Smart, ang nangyaring pagpatay sa signal ay alinsunod na rin sa kautusan ng NTC o National Telecommunications Commission batay sa kahilingan ng pambansang pulisya

Dahil dito, nakaranas din ng parehong problema ang mga subscribers ng Globe at Smart sa iba pang bahagi ng maynila gayundin sa mga lungsod ng Quezon at Makati

Ayon sa PNP, ginawa ang nasabing hakbang bilang pagtitiyak na rin sa kaligtasan ng publiko bunsod ng serye ng mga pagsabog sa Quiapo nitong nakalipas na mga linggo

By: Jaymark Dagala

Nasa Tokyo, Japan na si Vice President Leni Robredo para dumalo at magbigay ng kaniyang talumpati sa dalawang araw na Global Summit of Women.

Tatalakayin sa nasabing pulong na may temang “Beyond Womenomics: Accelerating Access” kung paano na aabot ng mga babae ang mga puwesto sa liderato ng mga korporasyon.

Inaasahang tatalakayin din sa nasabing pulong ang iba’t-ibang istratehiya na susuporta sa mga negosyong pinatatakbo ng mga babae.

Maliban kay Robredo, dadalo rin sa nasabing pulong si Japanese Prime Minsiter Shinzo Abe, Vietnamese Vice President Dang Thi Ngoc Thinh at iba pang kinatawan ng mga babae sa iba’t-ibang panig ng mundo.

By: Jaymark Dagala / Raoul Esperas