June 2026

Pormal nang sinampahan ng Ethics Complaint sa mataas na kapulungan si Senador Vicente “tito” Sotto III.

Ito’y may kaugnayan sa kontrobersyal na pahayag ni Sotto patungkol sa mga single mother sa kasagsagan ng confirmation hearing ni DSWD Secretary Judy Taguiwalo noong nakaraang linggo.

Sa apat na pahinang reklamo, hiniling ng iba’t ibang women’s rights group sa Senate Committee on Ethics and decorum na patawan ng sanction si Sotto dahil ginawa nitong pang-iinsulto sa solo parent

Ang ethics complaint laban kay Sotto ay isinampa sa pangunguna nina Jean Enriquez ng Coalition Against Trafficking in Women-Asia Pacific at the World March of Women (WMW)-Pilipinas, Clarissa Militante ng  WMW, Amparo Miciano Sykioco ng Pambansang Koalisyon ng Kababaihan sa Kanayunan, Judith Pamela Afan Pasimio ng the Purple Action for Indigenous Womens’ Rights, Judy Ann Chan Miranda ng Partido ng Manggagawa, Ana Maria Nemenzo ng Woman Health Philippines, Josua Mata ng Sentro ng Manggagawa ng Pilipinas, at isang nagngangalang Myrna Hernandez Jimenez.

By: Meann Tanbio

Inirekomenda ng CHR o Commission on Human Rights sa Office of the Ombudsman na sampahan ng kasong kriminal at administratibo ang mga tauhan ng Manila Police District Station 1 na sangkot sa umano’y iligal na pagkukulong sa 12 indibidwal sa isang “hidden” lock-up cell.

Iginiit ni CHR Commissioner Karen Dumpit na naniniwala sila na mayroong “sufficient cause” para imbestigahan si Station Commander Supt. Robert Domingo at lahat ng police personnel ng MPD Station 1.

Nakasaad pa sa liham ni Dumpit kay Ombudsman Conchita Carpio-Morales na kabilang sa na-commit ng mga naturang pulis ay arbitrary detention, grave threat, grave coercion, robbery/extortion, paglabag sa anti-torture act of 2009 at paglabag sa 2013 revised Philippine National Police Operational Procedures

Matatandang nadiskubre ang nasabing hidden lock-up cell sa sorpresang inspeksyon ng CHR sa MPD Station 1 noong abril 27.

By: Meann Tanbio

Magiging personal nurse ni Pangulong  Rodrigo Duterte  ang  kanyang  common-law wife  na  si Honeylet  Avanceña  sa  kanyang  biyahe sa  Cambodia, Hongkong  at China.

Kasama si Honeylet at anak na si Kitty  nang  umalis  kahapon  ang  Pangulo patungong  Cambodia  para  dumalo sa World  Economic  Forum.

Ayon sa  Pangulo, dahil bakasyon naman ng anak na si Kitty, magkakaroon sila ng saglit  na “bonding time” habang  personal  na pangangasiwaan  ni Honeylet  ang  pag-inom nito ng mga  gamot.

Sinabi  ng  Pangulo na hindi siya komportable sa  pagpasok-pasok ng  mga  police  nurse sa kanyang  kuwarto at  mas  gusto niyang  si Honeylet  ang  magpainom ng  kanyang  mga  gamot.

Ang maybahay ng Pangulo ay isang professional nurse na  nagtrabaho noon sa  Estados Unidos.

By: Meann Tanbio / Aileen Taliping

Ipinagtanggol ni Pangulong Rodrigo Duterte  ang   pagkakatalaga niya kay Mocha Uson bilang  Assistant Secretary  ng  Presidential Communications Operations  Office.

Sinabi ni Pangulong  Duterte  na wala  silang  nakikitang  masama  sa  paghirang kay  Uson  dahil  may utak  naman ito at  mahusay  magsalita.

Hindi aniya balakid  ang  pagiging  sexy dancer ni Uson  dahil  hindi naman  ito nagsasayaw ng hubad.

Ipinabatid ng Pangulo na kasama   niya  si Mocha  noong  panahon ng  kampanya  at  ang  pagsasayaw  nito ay  bahagi  ng  kanyang  hanapbuhay.

Wala  rin aniyang  batas  na  nagbabawal na  bigyan ng posisyon sa  gobyerno ang isang  mamamayan  na  nagladlad  ng kalahati ng  kanyang  katawan dahil  bawat  Pilipino ay  dapat  bigyan ng pagkakataon sa  gobyerno.

By: Meann Tanbio / Aileen Taliping

Komporme si Senador Panfilo Lacson sa plano na gawing state witness si Janet Lim Napoles kung ang layunin nito ay hindi para magamit sa politika, sa halip ay para mapanagot ang iba pang sangkot sa Pork Barrel Fund Scam pero nakalusot at hindi nakasama sa mga kinasuhan.

 Sa tingin ni Lacson, mayroon pang dapat nakasama sa mga kinasuhan sa PDAF Scam ang nakalusot, kung pagbabatayan ang mga impormasyon at listahang ibinigay sa kanya noon ni Napoles.

Gayunman, tumanggi si Lacson na tukuyin kung sino ang mga politiko na kasama sa listahan ni Napoles na  hindi kabilang sa nakasuhan .

Nasa kamay aniya ng korte ang pagpapasya   kung uubrang maging state witness si Napoles.

Nangangamba rin si Lacson na sa oras na  magsimula nang magturo si  Napoles ng iba pa sangkot sa PDAF Scam ay baka madagdagan ang mambabatas  na makukulong sa Camp Crame at may posibilidad na malipat ang quorum  sa krame sa halip na sa Senado at baka roon na sila magsagawa ng roll call.

By: Meann Tanbio / Cely Bueno

Suportado ng mga Senador ang pagtatalaga ni Pangulong Rodrigo Duterte kay Senador Alan Peter Cayetano bilang bagong kalihim ng Department of Foreign Affairs.

Ayon kay Senate President Pro-Tempore Ralph Recto, naniniwala siya sa kakayanan ni Cayetano para pamunuan ang DFA at tiyak aniyang malaki ang maitutulong nito sa Pangulo at sa sambayanang  Pilipino.

Iginiit naman ni Senate Majority Floorleader vicente “Tito” Sotto III na good choice ang pagtatalaga kay Cayetano sa DFA

Samantala, hindi na ikinagulat ni Senador Francis Escudero ang pagkakatalaga kay Cayetano bilang DFA Secretary dahil matagal na itong binabanggit ng Pangulo.

By: Meann Tanbio / Cely Bueno