Home Monthly Archives
Monthly Archives

June 2026

INTERNATIONAL NEWS

Award Winning Mexican Journalist patay sa pamamaril

written by DWIZ 882
Patay ang Award Winning Mexican Journalist na si Javier Valdez matapos pagbabarilin sa Sinaloa.
Ayon sa report, pinaulanan ng bala ng mga hindi pa nakikilalang salarin ang kotse na minamaneho ni Valdez.
Matatandaang 2011 nang gawaran si Valdez ng International Press Freedom Award ng Committee to Protect Journalist dahil sa coverage nito ukol sa drug trafficking.
Si Valdez na ang ika-limang mamamahayag na napatay sa Mexico ngayong taon.

By Ralph Obina

May 16, 2017 0 comment
0 Facebook Twitter Google + Pinterest
SPORTS

Angelique Kerber nabawi na ang top ranking kay Serena Williams

written by DWIZ 882
Nabawi na ni Angelique Kerber kay Serena Williams ang pangunguna sa Tennis World Rankings.
Dalawamput anim (26) na linggo ring napako sa ikalawang pwesto si Kerber.
Matatandaang nito lamang nakaraang buwan ay inanunsyo ni Williams na siya ay nagdadalantao.
Dahil dito, inaasahang magtatagal pa sa kanyang trono ngayon si Kerber sa mundo ng tennis.

By Ralph Obina

May 16, 2017 0 comment
0 Facebook Twitter Google + Pinterest
NATIONAL NEWS

NDF nababahala na sa mga banta sa buhay sa kanilang consultants

written by DWIZ 882
agcaoili ndfp
Nababahala na ang NDF o National Democratic Front sa mga banta sa buhay at bantang pagdukot sa kanilang mga consultants.
Sinabi ni NDF Panel Chair Fidel Agcaoili, na ang surveillance at pag – aresto sa mga consultant ay paglabag sa JASIG o Joint Agreement on Safety and Immunity Guarantee na kasama ng peacetalks.
Inihalimbawa ni Agcaoili ang kaso ng iligal na pag – aresto kay Rommel Salinas na inaresto sa isang police check point sa Ozamis City.
Kaugnay nito ay hinamon niya ang panel ng pamahalaan na imbestigahan ang mga sumbong ng kanilang consultants dahil maaring maka-apekto sa peacetalks ang patuloy na pagdukot at ang pagkakaroon ng bansa sa buhay ng mga ito.

By Katrina Valle | With Report from Aya Yupangco

May 16, 2017 0 comment
0 Facebook Twitter Google + Pinterest
HEADLINES

International Criminal Court tinawag na extension ng mental hospital

written by DWIZ 882
Tinawag na extension ng mental hospital ni House Speaker Pantaleon Alvarez ang ICC o International Criminal Court.
Reaksyon ito ni Alvarez sa di umano’y plano ni Congressman Gary Alejano na iakyat sa ICC ang mga di umano’y paglabag sa batas ni Pangulong Rodrigo Duterte makaraang hindi lumusot ang inihain niyang impeachment case.
Samantala, sinabi ni Alvarez na posibleng sa Agosto pa sila makapagpasya kung i-e-endorso o hindi ang impeachment case laban kina Vice President Leni Robredo at Ombudsman Conchita Morales.
Ayon kay Alvarez marami sa mga nakatanggap ng draft ng reklamo kabilang na siya ay nagsabing pag-aaralan muna nilang mabuti ang nilalaman ng impeachment case bago magpasya.

By Len Aguirre | With Report from Jill Resontoc

May 16, 2017 0 comment
0 Facebook Twitter Google + Pinterest
HEADLINES

Pagiging state witness ni Napoles nasa kamay na ng Sandiganbayan

written by DWIZ 882
SANDIGANBAYAN AND NAPOLES
Nasa kamay na ng Sandiganbayan kung papayagang maging state witness si Janet Lim-Napoles sa mga kaso ng PDAF scam.
Ayon kay Ombudsman Conchita Carpio Morales, nakasuhan at nabasahan na ng sakdal si Napoles kaya’t nasa Korte na ang kapangyarihang pagpasyahan kung maaari siyang gawing state witness.
Gayunman, sa panig anya ng Office of the Special Prosecutor (OSP) sa ilalim ng Ombudsman, haharangin nila at hindi nila pahihintulutang maging state witness si Napoles.
Ang OSP anya ang titimbang kung puwedeng maging state witness si Napoles at ngayon pa lamang ay masasabi nang hindi ito papasa sa pamantayan.
Wala rin anyang magagawa ang DOJ o Department of Justice kahit pa magsagawa ito ng panibagong imbestigasyon sa PDAF scam dahil tanging ang Korte ang may huling salita kung puwede o hindi puwedeng state witness si Napoles.
Maliban dito, sinabi ni Morales na hindi na kailangan ang panibagong imbetigasyon ng DOJ sa PDAF scam dahil may isinasagawa pang imbestigasyon ang Ombudsman para sa iba pang personalidad na sangkot sa PDAF scam.

By Len Aguirre

May 16, 2017 0 comment
0 Facebook Twitter Google + Pinterest
NATIONAL NEWS

Paglilitis sa election protest ni dating Sen. Marcos vs Robredo pinamamadali na

written by DWIZ 882
Hiniling ni dating Senador Bongbong Marcos sa Korte Suprema na uma-akto bilang PET o Presidential Electoral Tribunal na madaliin ang paglilitis sa kanyang election protest laban kay Vice President Leni Robredo.
Sa pitong (7) pahinang urgent ex-parte motion, nais ni Marcos na magtalaga ng tatlong (3) hearing officers ang PET na tutulong sa tribunal para sa preliminary conference.
Sinasabi sa mosyon ni Marcos na sa pamamagitan ng dagdag na tao sa PET, matutugunan na ang tatlong reklamo na nakapaloob sa kanyang electoral protest.
Ang unang reklamo ay patungkol sa automated election system, pangalawa ang tradisyonal na mga hakbang ng pandaraya tulad ng vote buying, pre-shading, intimidation at failure of elections.
Hiniling rin ni Marcos sa orihinal na petisyon ang pagbubukas ng lahat ng ballot boxes sa 36,465 clustered precints sa mahigit 20 lalawigan.
At ang ikatatlong bahagi ng protesta ay nakasentro sa hindi umano otorisadong pagkilos ng Smartmatic na naglagay ng bagong hash tag o bagong script sa transparency server habang isinasagawa ang pagbibilang.

By Len Aguirre

May 16, 2017 0 comment
0 Facebook Twitter Google + Pinterest
HEADLINES

‘Yung ibang judges sa Court of Appeals, alam ko pera-pera lang yan’ – Duterte

written by DWIZ 882
DUTERTE NAKA POLO
Muling binalaan ng Pangulong Rodrigo Duterte ang anya’y walang habas na pag i-isyu ng TRO o Temporary Restraining Order sa mga proyekto ng pamahalaan.
Ayon sa Pangulo, hindi sya mangingiming banggain ang Korte sakaling magpatuloy ang pagkabinbin ng mga proyekto ng pamahalaan dahil sa pinigil ito ng Korte.
Umapela ang Pangulo sa Korte Suprema na kumilos kung paano malillinis sa katiwalian ang mga Korte.
Binigyang diin ng Pangulo na alam nyang pera-pera lamang naman ang pagkuha ng TRO ng mga natatalo sa bidding ng mga proyekto.
Galit na sinabi ng Pangulo na walang karapatan ang Korte na desisyonan kung anong proyekto ang makakaganda sa bansa.
“At yung ibang judges sa Court of Appeals, alam ko na ‘pera-pera’ lang yan kaya wag nyong gaw’in yan sa akin mapipilitan akong sasalubungin kayo, legally. I hope it would not go beyond the legal boundary. Minsan umaabot ng anim (6) na buwan, anak ng…decide immediately because the project has to get started. But do not delay projects because you’re issuing TRO – left and right. You will paralyze government, magmukha akong tanga sa tao, matatapos na lang ako, na-TRO pa”, bahagi ng naging pahayag ni Pangulong Duterte.

By Len Aguirre

May 16, 2017 0 comment
0 Facebook Twitter Google + Pinterest
HEADLINES

Mas maginhawang pagsakay sa MRT sa Nobyembre hindi katanggap-tanggap – Malunes

written by DWIZ 882
Itinuro ni Riles Network Spokesman Sammy Malunes, ang pagkakaroon ng iba’t ibang provider na susuri sa bawat aspeto ng operasyon ng tren, na dahilan kung bakit nagkakaroon ng aberya sa operasyon ng Metro Rail Transit o MRT.
Mas mabuti aniya sana kung iisang kumpanya lamang ang magiging responsable sa lahat ng aspeto, katulad ng ibinigay na responsibilidad noon sa Sumitomo Corporation.
Hindi rin aniya katanggap – tanggap na sa Nobyembre pa maiibsan ang pasanin ng mga pasahero ng MRT, gayung noong nakaraang taon pa sana nagamit ang mga bagong bagon mula sa Dalian Locomotives.
“Yun sanang pag purchase ng train, yang darating, ay dapat alam niya na, na pagdating mapapatakbo base sa kanyang declaration. Yung uphold ay discipline na approach ay isa iyon sa problema kung bakit hindi napatakbo ang train. Iba yung mag re-rehabilitate ng ating itinerary , iba yung mag rehabilitate sa truck, iba yung mag rehabilitate sa signalling system, iba yung mag rehabilitate sa ating rolling”, ani Malunes.
Iminungkahi rin ni Malunes ang pagsasalalim ng lahat ng light rail operations ng bansa sa Light Rail Transit Authority, sa halip na sa mga pribadong kumpanya.
“Ang panukala ho ngayon, lahat ng light rail transit ay ilagay sa isang pangangasiwa under the Light Rail Transit Authority”, bahagi ng pahayag ni Riles Network Spokesman Sammy Malunes, sa panayam ng DWIZ.

By Katrina Valle | Karambola Program (Interview)

May 16, 2017 0 comment
0 Facebook Twitter Google + Pinterest
HEADLINES

‘Hinihiling namin na mabigyan kami ng kahit konting incentive ng gobyerno’ – PHAPI

written by DWIZ 882
PHAPI president Rustico Jimenez
Nanindigan si Private Hospitals Association of the Philippines Incorporated o PHAPI President Rustico Jimenez na wala silang tinatanggihang pasyente at hindi rin sila nanghihingi ng deposit.
Sinabi ni Jimenez na nagkakaroon lamang ng ilang insidente kung saan pinapalipat sa pampublikong ospital ang pasyente, subalit ito ay kapag stable na ang kalagayan nito.
Umaasa rin aniya silang magkakaroon ng kahit kaunting insentibo ang pribadong ospital para sa mga serbisyo nito.
“Talaga naman pong sinusunod na po yan eh kaya naman po sabi ko wag na pong palawigin pa kasi wala namang mangyayari dyan dahil political will lang yan. Yun pong gagastosin ng private hospital dyan wala naman pong magbabayad eh. San po kukuha ng pang gastos ang mga hospital? Ipangbabayad sa gamot na bibilhin na hindi naman naming nakukuha ng libre. Hinihiling po namin na mabigyan kami ng kahit konting incentive ng gobyerno doon sa mga iginastos namin”, ani Jimenez.
Malaking tulong aniya sa mga pribadong ospital kung pagagandahin din ng pamahalaan ang mga pampublikong ospital, upang maiwasan na ang paglilipat ng mga pasyente.
“Public hospitals, yung DOH at saka iba pang local government pagandahin talaga nila yung mga government hospital, magbigay sila ng pondo para po hindi na ililipat sa private hospital dun na lang sa government. Sinasabi ng DOH pinaganda nila pero pag tiningnan natin yung mga government hospitals wala naman pong pagbabago eh. Mindanao nay an, liblib na lugar sa Visayas, wala hong nag ma-man, walang nurses, walang gamit. Eh siyempre kung ikaw naman yung magulang mo serious na dadalhin mo na sa private hospital”, bahagi ng pahayag ni PHAPI President Rustico Jimenez, sa panayam ng DWIZ.

By Katrina Valle | Ratsada Balita Program (Interview)

May 16, 2017 0 comment
0 Facebook Twitter Google + Pinterest
NATIONAL NEWS

Chinese company na nag-suplay ng tren sa MRT dapat pagmultahin—Abaya

written by DWIZ 882
Dapat pagmultahin ng pamahalaan ang Chinese company na nag-suplay ng tren para sa Metro Rail Transit o MRT-3.
Ayon kay dating Transportation Secretary Joseph Emilio Abaya, malinaw namang nakasaad sa nilagdaan nilang kontrata na puwedeng hingan ng multa ang CRRC-Dalian Company Limited sakaling magkaroon ito ng pagkukulang sa pagtupad ng kanilang mga obligasyon sa kontrata.
Sinabi ni Abaya na malinaw ang pagkukulang ng CRRC dahil batay sa kontrata, dapat ay nai-deliver nila ang apatnapu’t walong (48) tren noon pang Enero o Pebrero subalit kalagitnaan na ng Mayo ay tila hindi pa ito kumpleto.
Kasabay nito, iginiit ni Abaya na ang mga inorder nilang tren para sa MRT ay compatible sa iba pang pasilidad ng MRT 3 at dalawang (2) bagon dito ay puwede nang isalya sa susunod na linggo.
By  Len Aguirre
May 16, 2017 0 comment
0 Facebook Twitter Google + Pinterest
Newer Posts
Older Posts