June 2026

Nagpasaklolo na sa Commission on Human Rights (CHR) ang isang Overseas Filipino Worker (OFW) na nabiktima ng tanim o laglag bala modus sa Ninoy Aquino International Airport (NAIA).

Nagtungo sa tanggapan ng CHR kaninang umaga si Ginang Gloria Ortinez kasama ang kanyang abogadong si Atty. Spocky Farolan at OFW Advocate na si Susan ‘Toots’ Ople.

Si Ortinez ay pinagbintangang may dala umanong bala sa bag.

Base sa nauna niyang pahayag at ng kaniyang abogado, na-trauma nasabing ang OFW at wala pa ring katiyakan kung makababalik ito sa pinagtatrabahuhan sa Hong Kong matapos maantala ang pagtungo niya roon dahil sa isyu ng umano’y pagdadala ng bala.

By Meann Tanbio | Allan Francisco  

Kasabay ng muling pag-arangkada ng imbestigasyon ng Metro Rail Transit (MRT) ukol sa iba’t ibang problema ng MRT ngayong araw, nagkaaberya na naman ang biyahe ng MRT.

Ayon sa ulat, nagsimulang tumigil sa pagpapasok ng mga pasahero sa southbound station ng Quezon Avenue station dakong alas -7:30 kaninang umaga dahil sa depektibong tren sa North Avenue station.

Bumalik lamang sa normal ang sitwasyon makalipas ang isat kalahating oras.

Kinumpirma naman ng Traffic Command Center ng MRT ang insidente at kinailangan umanong ibalik sa depot ang depektibong tren kaya’t natagalan bago naisaayos ang operasyon ng MRT.

By Ralph Obina  

Handang-handa na ang Metropolitan Manila Development Authority (MMDA) kasama ang iba pang ahensya ng pamahalaan sa APEC Summit sa susunod na linggo.

Sa panayam ng DWIZ, sinabi ni Emmanuel Miro, hepe ng Task Force APEC ng MMDA na pangunahing tututukan nila ang traffic rerouting scheme sa kasagsagan ng nasabing Summit.

“Ang MMDA po ay naatasan po at in-charge ng task group traffic management, kasama po namin dito ang HPG, at mga LGU ng kalakhang Maynila para ipatupad yung ating traffic management para sa ikaasyos ng daloy ng trapiko para sa ating mga delegado.” Ani Miro.

Ipinabatid din ni Miro na mayroon silang itinalagang APEC lanes sa kahabaan ng EDSA.

“Meron po tayong APEC lanes na ito po yung dalawa sa bandang bahagi ng MRT, magkabilaan poi to ng EDSA, mag-uumpisa pos a Shaw Boulevard hanggang sa may Roxas Boulevard patungong MOA.” Pahayag ni Miro.

Full nation approach

Tiniyak din ng MMDA na mayroon silang inihandang augmentation para sa pag-eescort sa mga delegadong darating sa bansa para sa APEC Summit.

Sinabi ni Miro na full nation approach ang ipinatupad nila rito, alinsunod na rin sa direktiba ng Pangulong Noynoy Aquino.

Idinagdag pa ni Miro na posibleng putulin ang komunikasyon sa panahon ng APEC Summit na una nang ginawa noong Papal visit.

“Meron pong mga intermittent na power communication interruption, asahan na rin po natin ito sa mga darating na araw especially mula Nobyembre 16-20.” Dagdag ni Miro.

By Meann Tanbio | Balitang Todong Lakas

Nagpapatuloy pa ang konstruksyon ng infrastructure projects sa Leyte.

Ipinabatid sa DWIZ ni Leyte Representative Martin Romualdez na pangunahing tinututukan ang pagtatayo ng permanent housing and shelters.

Idinagdag pa ng mambabatas na tinututukan din nila ang livelihood o kabuhayan ng mga biktima ng kalamidad.

“Kung magfu-full blast dito sa mga infrastructure projects, malaking problema sa livelihood ang maso-solve, dati po ay maraming na-employ doon, magtatrabaho sa mga construction, local hardwares, at mga negosyo, mga negosyante ang makikinabang diyan kung ang sinasabing massive infrastracture or sinasabing government spending.” Pahayag ni Romualdez.

By  Meann Tanbio | Karambola 

Bagamat matagal nang hindi dumadalo sa sesyon sa senado dahil sa problemang pagkalusugan, mamayang hapon ay dadalo sa session si Senadora Miriam Defensor-Santiago.

Ito ay para isponsoran ang kanyang resolution may kaugnayan sa Enhanced Defense Cooperation Agreement o EDCA na kasunduang pinasok ng Pilipinas sa Amerika.

Matatandaang mariing kinuwestyon ni Santiago na hindi dumaan sa pag-ratify ng senado ang EDCA.

By  Meann Tanbio | Cely Bueno (Patrol 19)  

Wala pa ring maibigay na impormasyon ang Office of Transport Security (OTS) kaugnay ng apat na Pinay na naaresto sa Hong Kong na may dalawang 2.5 kilos ng coccaine.

Sa inisyal na impormasyon ng DWIZ patrol, ang apat ay dumating noong September 26 at sumakay ng commercial flight sa NAIA Terminal 3.

Hindi maipaliwanag ni OTS Administrator Roland Recomono kung paano nakalusot ang mahigit dalawang kilong coccaine na itinago sa kanilang hand carry bag.

Kasalukuyan nang inaasikaso ng Department of Foreign Affairs (DFA) ang kaso ng mga naturang Pinoy.

By  Meann Tanbio | Raoul Esperas (Patrol 45)