June 2026

Nagpaliwanag si Tacloban City Mayor Alfred Romualdez sa paghingi nito ng sorry kay Pangulong Noynoy Aquino dahil sa maaanghang na salita na binitiwan noon matapos salantain ng super typhoon Yolanda ang lungsod noong 2013.

Sa panayam ng DWIZ, sinabi ni Tacloban City Mayor Alfred Romualdez na bagamat nasaktan siya maging ang kanyang mga kababayan sa nagdaang kalamidad, malaki pa rin aniya ang kanilang utang na loob sa mga tulong na natanggap mula gobyerno.

“Syempre nakakarinig kayo ng mga protesta dito sa Tacloban laban sa pamahalaan, may mga nagagalit at nakakapagsalita ng hindi maganda, ang sinasabi ko naman na intindihin nila na hindi ibig sabihin na nagpoprotesta ang mga Taclobanon ay we’re ungrateful for the things that have been done here, we are very grateful at no given time were we ungrateful, syempre nasaktan talaga kami dito, mahapdi talaga yung naranasan namin kaya humihingi kami ng konting understanding na parang nagsu-suggest lang kami na imbes na i-focus yung mga bilyon-bilyon sa mga infrastructure sana i-focus naman doon directly sa buhay ng mga tao.” Ani Romualdez.

Hindi rin minasama ni Romualdez ang hindi pagdalo ng Pangulong Aquino sa ikalawang anibersaryo ng yolanda kahapon.

“Okay na lang yun kasi binanggit ko naman yun a year ago minsan pag binisita kami ni Pangulong Aquino, itong mga commemoration this is for the people at syempre mahirap din with all due respect pag pumunta naman si President dito ay hihigpit ang security at ang mangyayari niyan ay hindi makakadalo ang mga pangkaraniwang tao, commemoration is really for the people.” Pahayag ni Romualdez.

By  Meann Tanbio | Ratsada Balita  

Umaabot na sa mahigit 140 street dwellers ang dinampot sa isinagawang operasyon ng Department of Social Welfare and Development (DSWD) sa mga lugar na dadaanan ng mga delegado sa APEC Summit.

Nagsimula kaninang umaga ang kanilang pag-iikot sa 6 na distrito ng Maynila upang kunin ang mga pulubi sa lansangan maging ang mga street dwellers.

Sa naturang bilang, 123 sa mga ito ay pawang taga-lungsod ng Maynila.

Habang ang nalalabing 18 na non-manila residents ay pansamantalang dadalhin sa Jose Fabella Center sa Mandaluyong City.

By  Meann Tanbio | Aya Yupangco (Patrol 5) 

Nagpaliwanag ang Department of Foreign Affairs (DFA) kung bakit ang Metro Manila ang napiling venue para sa APEC Summit.

Bukod sa ang Maynila ang kabisera ng bansa, sinabi ni DFA Undersecretary Laura del Rosario na ito lamang kasi ang kayang mag-accommodate ng 10,000 katao na sasaksi sa nasabing pagpupulong.

Ayon pa kay Rosario, maituturing na isang wedding of the century ang APEC at ang bawat isa ay gustong dumalo rito.

Inaasahan ng DFA official ang pagdalo ng 20 bansang miyembro ng APEC pero kanina lamang ay kinumpirma na ng China ang pagdalo ni Chinese President Xi Jinping.

Matatandaang noong 1996, idinaos ang APEC Summit sa Subic Bay, Zambales.

By Meann Tanbio | Allan Francisco 

Problema sa patubig.

Ito, ayon kay Tacloban City Mayor Alfred Romualdez ang matinding kinakaharap ngayon ng kanilang syudad, dalawang taon matapos manalasa ang bagyong Yolanda.

Dahil dito, umapela si Romualdez sa pribadong sektor na mag-invest para makapagtayo ng water system sa Tacloban.

“Isinama na namin sa master plan yun kaya humihingi din kami ng tulong sa pribadong sector kung merong mag-iinvest at papasok dito at maglalagay ng water system na malaki at sewerage system dito, yun ay malaking malaking ipact po yun.” Ani Romualdez.

Ipinabatid ng alkalde na kahit papaano nama’y nagkaroon ng improvement sa nagpapatuloy na rehabilitation at recovery efforts sa mga biktma ng kalamidad.

“Masasabi ko naman overall, marami namang improvement, ang gusto ko lang iklaro diyan, very grateful naman kami sa mga tulong na naibigay pero sana i-priority na lang sa pagbigay ng bahay at pagbigay ng tubig para naman they can go on with their lives.” Pahayag ni Romualdez.

By  Meann Tanbio | Ratsada Balita

Nagsumite na ng mga dokumento at ebidensya ang Office of Transportation Security (OTS) sa National Bureau of Investigation o NBI bilang bahagi ng binuong task force ng DOJ kaugnay sa ‘talaba’ o tanim bala o laglag modus sa NAIA.

Ayon kay NBI Anti-Organized Transnational Crime Division Chief Manuel Eduarte, pinuno ng Task Force Talaba, kabilang sa mga isinumiteng dokumento ng OTS ay ang kanilang mga reports mula sa pasaherong nakuhanan ng bala at kopya ng CCTV na isinailaim na sa pag-aaral ng task force.

Samantala, hihingan din ng NBI sa statement sa naturang usapin ang OWWA, POEA, PNP Aviation Security Group at iba pang nakatalaga sa paliparan.

Kumpiyansa naman ang opisyal na makatutugon sila sa 15 araw na deadline na ibinigay ng DOJ sa NBI-Seven Man Team na nanguna sa imbestigasyon.

By  Meann Tanbio | Bert Mozo (Patrol 3)