Monthly Archives

June 2026

3 opisyal ng PNP Aviation Security Group sinibak sa gitna ng kontrobersya sa ‘tanim-bala’

Sinibak sa tungkulin ang 3 opisyal ng PNP Aviation Security Group sa gitna na rin ng kontrobersya hinggil sa tanim-bala.

Kabilang sa sinibak ang hepe ng AVSEGROUP sa Metro Manila na si Senior Supt. Ricardo Layug.

Ayon kay AVSEGROUP Director Chief Supt. Francisco Balagtas, tinututukan nila ang posibleng sabwatan ng ilang miyembro ng kanilang unit sa Metro Manila sa laglag-bala extortionists.

Nais ding tutukan ng AVSEGROUP ang 51 kasong isinampa ngayong taon gayung 139 na bala ang itinurn over sa pulis ng DOTC-OTS o Office for Transportation Security.

OTS personnels

Samantala, ni-relieve ng OTS o Office for Transportation Security ang 15 tauhan nito habang iniimbestigahan pa ang umano’y pagkakadawit ng mga ito sa laglag bala scheme.

Kabilang sa mga ni-relieve ayon kay OTS Deputy Administrator Roberto Villanueva sina Marvin Garcia at Maria Elma Cena na nag-screen sa bagahe ng 20-anyos na American tourist na si Michael White.

Una nang ibinunyag ng kampo ni White na tinangka siyang hingan ng P30,000 ng mga nasabing OTS personnel.

Una nang bumuo ng Task Force TALABA o tanim-laglag bala para imbestigahan ang kontrobersya na nangyayari sa NAIA.

By Judith Larino

November 10, 2015 0 comment

HEADLINES

Oil price hike muling ikinasa ngayong araw

written by DWIZ 882

Nagpatupad na ng dagdag presyo sa oil products ang ilang kumpanya ng langis.

Epektibo kaninang alas-6:00 ng umaga, ipinatupad ng Sea Oil ang P0.80 dagdag presyo sa kada litro ng diesel at kerosene samantalang P0.25 naman ang dagdag sa presyo ng bawat litro ng gasolina.

Sa parehong oras din sinimulan ng Caltex ang dagdag na P0.85 sa presyo ng kada litro ng kerosene, P0.80 sa kada litro ng diesel at P0.25 ang kada litro ng gasoline.

Itinaas na rin ng Shell ng P0.80 ang presyo ng kada litro ng diesel, P0.85 naman sa kada litro ng kerosene at P0.30 sa kada litro ng gasoline.

Samantala, ang Petron, Phoenix Petroleum at PTT Philippines ay nagtaas na rin ng P0.75 sa presyo ng kada litro ng diesel at P0.35 sa kada litro ng gasoline.

Walumpung sentimo (P0.80) naman ang taas presyo na ikinasa ng Petron sa kada litro ng kerosene.

By Judith Larino

November 10, 2015 0 comment

HEADLINES

Lotto 6/42

written by DWIZ 882

10-28-23-21-14-03 (No Winner)
In any order
Jackpot Prize: Php 27,144,596.00

November 10, 2015 0 comment

INTERNATIONAL NEWS

Landslide victory ng democracy icon ng Myanmar na si Aung San Suu Kyi inaabangan na

written by DWIZ 882

Nananabik na ang mga taga-Myanmar sa resulta ng kanilang makasaysayang halalan.

Makapigil hiningang inaantabayanan ang inaasahang landslide victory ng kanilang democracy icon na si Aung San Suu Kyi.

Ayon kay Han Tha Myint, tagapagsalita ng partidong National League for Democracy, bagama’t lumalamang, hindi pa malinaw kung makukuha nila ang mayorya ng parliyamento.

Sa sandaling manalo, tiyak na mapapahina na ni Suu Kyi ang impluwensya ng Military Junta sa kanilang bansa.

By Jaymark Dagala

November 9, 2015 0 comment

NATIONAL NEWS

Sahod ni PNoy VPBinay at iba pa madaragdagan

written by DWIZ 882

Madaragdagan ng mahigit dalawandaan at limampung libong piso (P250,000) ang buwanang sahod na tinatanggap ng Pangulo ng Pilipinas.

Ito ang nakasaad sa Salary Standardization Law of 2015 na isinumite ng Malacañang sa Kongreso.

Mula sa kasalukuyang P120,000 ay magiging tatlongdaan at walumpu’t walong libo at siyamnapu’t anim na piso (P388,096) na ang buwanang sahod ng Pangulo ng bansa.

Maliban sa Pangulo, tataas na rin ang tinatanggap na suweldo ng iba pang miyembro ng gabinete gayundin si Vice President Jejomar Binay.

By Jaymark Dagala

November 9, 2015 0 comment

NATIONAL NEWS

Gobyerno handa na sa APEC Summit

written by DWIZ 882

Halos nasa 100 porsyento nang handa ang gobyerno para sa idaraos na Asia Pacific Economic Cooperation o APEC Leader’s Meeting sa susunod na linggo.

Inihayag ito ni Ambassador Marciano Paynor Jr., Director General ng APEC National Organizing Council sa kaniyang pagharap sa mga mamamahayag sa Malacañang kanina.

Sinabi ni Paynor na handa na ang Pilipinas para tanggapin ang 20 economic leaders na miyembro ng APEC kabilang na ang head of state ng bansang Columbia.

Nakalatag na rin ani Paynor ang lahat ng mga security preparations mula sa pagdating hanggang sa pag-alis ng mga bisita at delegadong dadalo sa APEC.

Kabilang na rin aniya rito ang pagtitiyak sa seguridad sa mga daraanan patungo sa pagdarausan ng mga pagpupulong.

Usapin ng ‘laglag-bala’ di isyu sa APEC

Samantala, hindi usapin sa mga delegado ng Asia Pacific Economic Cooperation o APEC Summit ang kontrobersyal na tanim-laglag bala modus sa Ninoy Aquino International Airport (NAIA).

Ito ang pagtitiyak ni APEC National Organizing Council Director General Ambassador Marciano Paynor Jr. sa harap ng pagdating ng mga dayuhang delegado ng APEC.

Ani Paynor, maituturing na lokal na usapin lamang ang laglag bala dahil sa ang mga Pilipino lamang ang gumagamit ng bala bilang naniniwala sa mga anting-anting.

Sinabi pa ni Paynor na ihahatid at susunduin sa airport ang lahat ng delegado ng APEC kaya’t napakaliit lamang aniya ng posibilidad na mabiktima ang mga ito ng modus.

May itinalaga ring sarili o special lane para sa mga darating na delegado sa bansa.

Kasunod nito, tumanggi nang magkomento si Paynor sa kaso ng ilang dayuhan na nahuhulihan ng bala dahil wala aniyang kinalaman ang mga ito sa APEC Summit.

By Jaymark Dagala | Aileen Taliping (Patrol 23)

November 9, 2015 0 comment

NATIONAL NEWS

Ilang bahagi ng Leyte niyanig ng lindol

written by DWIZ 882

Tinamaan ng magnitude 3 na lindol ang bayan ng Carigara sa lalawigan ng Leyte ngayong araw.

Ayon sa Philippine Institute of Volcanology and Seismology (PHIVOLCS), namataan ang sentro ng pagyanig limang kilometro katimugan ng nasabing bayan.

Bagama’t mahina lamang ang lindol, naramdaman pa rin ang intensity 3 na pagyanig sa Kananga Leyte gayundin sa Ormoc City.

Tectonic ang origin ng lindol at wala namang naramdamang aftershocks pagkatapos nito.

By Jaymark Dagala

November 9, 2015 0 comment

NATIONAL NEWS

Senador Lito Lapid nagpiyansa sa isinampang graft case ng Ombudsman

written by DWIZ 882

Nagpiyansa si Senador Lito Lapid sa kasong graft na isinampa laban sa kanya ng Office of the Ombudsman may kaugnayan sa P4.2 million fertilizer fund scam.

Tatlumpung libong piso (P30,000) ang inilagak na piyansa ni Lapid sa Sandiganbayan kaninang umaga dahil sa paglabag sa Sections 3 (E) at 3 (G) ng Anti-Graft and Corrupt Practices Act.

Sinasabing overpriced umano ang mga fertilizer na binili ni Lapid para sa Pampanga noong siya ay gobernador pa ng lalawigan.

Maliban kay Lapid, akusado rin sa nasabing kaso ang provincial accountant na si Benjamin Yuzon, Provincial Treasurer na si Vergel Yabut, Incorporator ng Malayan Pacific Trading Corp. na si Ma. Victoria Abubakar at Leolota Aquino at Proprietor ng DA Vasquez Macro – Micro Fertilizer Resources (DAVMMFR) na si Dexter Alexander Vasquez.

By Meann Tanbio

November 9, 2015 0 comment

HEADLINES

Umento sa sahod ng mga kawani ng gobyerno isinumite na sa Kongreso

written by DWIZ 882

Isinumite na ng Malacañang sa Kongreso ang panukalang magtataas sa sahod ng mga kawani ng pamahalaan.

Dalawandaan at dalawampu’t anim (226) na bilyong piso ang inilaan ng gobyerno bilang compensation increase sa ilalim ng Salary Standardization Law of 2015.

Ayon kay Budget Secretary Florencio Butch Abad, hahatiin sa apat na bahagi ang nasabing umento sa sahod kung saan, saklaw din nito ang may mahigit 1 milyong sibilyan, uniformed personnel at militar.

Bukod sa umento sa sahod, nakasaad din sa compensation package ang mid-year 14th month pay at enhanced performance based bonus system.

Sakaling maisabatas, inaasahang makatatanggap ng 27 porsyentong dagdag sahod ang mga manggagawa ng gobyerno.

By Jaymark Dagala

November 9, 2015 0 comment

NATIONAL NEWS

PNP tumanggap ng mga donasyong kagamitan mula US

written by DWIZ 882

Nag-donate ang Estados Unidos ng 32 explosive ordinance disposal o EOD equipment ang natanggap sa Philippine National Police (PNP).

Kabilang sa dinonate ng US Department of State Anti-Terrorism Assistance Program ang 9 na post blast investigation kits, 20 explosives incident counter-measures kits, 3 MK3 explosives incident counter robots, at 6 na pick-up trucks.

Isinagawa ang turn over kaninang umaga sa Camp Crame sa pangunguna nina PNP Chief Director General Ricardo Marquez at US Embassy Regional Security Officer Thomas McDonough.

Nabatid mula kay Marquez na unang gagamitin ang mga donasyong EOD equipment sa pagtitiyak ng seguridad sa panahon ng APEC.

Pagkatapos ng APEC, ipamamahagi ang mga kagamitan sa Manila Police District (MPD), Special Action Force, at Mindanao Police.

By Meann Tanbio | Jonathan Andal

November 9, 2015 0 comment

Newer Posts

Older Posts