Monthly Archives

June 2026

Knicks forward Kevin Seraphin nagbigay ng tribute sa mga nasawing kababayan sa Paris

Nagbigay ng tribute si New York Knicks Forward Kevin Seraphin para sa mahigit 100 tao na nasawi sa Paris sa laro ng kanyang koponan laban sa New Orleans Pelicans sa Madison Square.

Sa tulong ng Pranses na si Seraphin ay nanalo ang Knicks sa score na 95-87 laban sa Pelicans dalawang araw matapos ang mga pag-atake sa France.

Kumamada si Seraphin ng 12 points sa naturang laro kung saan humataw ito na taglay ang “Paris haircut” na may disenyo ng Eiffel Tower at peace sign sa kanyang ulo.

Ayon kay Seraphin, kaya siya nagpagupit ng salitang “Paris” sa ulo ay dahil gusto niyang gumawa ng kakaiba o creative lalo pa’t mas madali itong gawin kumpara sa tattoo.

By Jelbert Perdez

November 16, 2015 0 comment

HEADLINES

Matinding trapik sumalubong sa publiko sa unang araw ng APEC week

written by DWIZ 882

Mistulang delubyo ang dinanas ng libu-libong motorista at commuters sa simula ng pagsasara ng maraming kalsada para sa APEC Summit.

Hindi deklaradong holiday ang araw na ito, November 16 kaya’t marami pa rin ang napilitang pumasok sa trabaho lalo na yung mga arawan ang sahod.

Sa report ng DWIZ, barado ang Coastal Road at ang Airport Road dahil sa pagkakasara ng Roxas Blvd.

Marami sa mga commuters ang napilitan na lamang bumaba ng sinasakyang bus at maglakad mula toll plaza ng Cavitex hanggang sa kanilang destinasyon.

Kabilang sa mga isinara nang kalsada simula sa araw na ito ang North at Southbound lane ng Roxas Blvd mula Katigbak patungong P. Ocampo, kahabaan ng Roxas Blvd Service Road mula Sta. Monita patungong P. Ocampo, kahabaan ng Quirino Avenue mula Roxas Blvd. patungong Adriatico, kahabaan ng Century Park St. mula Adriatico patungong Mabini St., kahabaan ng Mabini St. mula P. Ocampo patungong Quirino Avenue, southbound lane ng Adriatico mula Quirino Avenue patungong Century Park St., kahabaan ng P. Ocampo mula Adriatico patungong Roxas Blvd, kahabaan ng MH del Pilar st mula Sta. Monica st patungong Malvar St., kahabaan ng Pedro Gil st mula Roxas Blvd. patungong Mabini St.

Mananatiling sarado ang mga nabanggit na lugar hanggang alas-12:00 ng madaling araw ng Biyernes.

By Len Aguirre | Aya Yupangco | Raoul Esperas (Patrol 45)

November 16, 2015 0 comment

NATIONAL NEWS

200 K-9 units idadagdag pa para sa APEC security

written by DWIZ 882

Magdaragdag pa ng 200 K-9 units ang Philippine National Police bilang bahagi ng pinaigting na seguridad para sa APEC Summit.

Maliban ito sa nauna nang isandaang K-9 units na itinalaga ng PNP sa iba’t ibang lugar na pagdarausan ng pulong at tutuluyan ng mga APEC Leaders.

Ang mga dagdag na K-9 units ay itatalaga sa mga rutang daraanan ng mga delegado para sa APEC Summit.

By Len Aguirre

November 16, 2015 0 comment

INTERNATIONAL NEWS

26 na militante patay sa bakbakan sa Afghanistan

written by DWIZ 882

Patay ang 26 na Taliban fighters sa nagpapatuloy na crackdown ng security forces laban sa nasabing grupo sa Afghanistan.

Ayon kay Governor Mohammad Azim ng Sipira District, sa kanyang nasasakupan ay 8 armadong rebelde ang napatay ng mga sundalo.

Sinasabing suportado ng helicopter gunships ang mga operasyon sa lugar.

Una rito, inihayag ng Afghan Interior Ministry na dumarami na ang taliban militants na napaslang ng tropa ng gobyerno sa iba’t ibang panig ng bansa.

By Jelbert Perdez

November 16, 2015 0 comment

NATIONAL NEWS

Kahabaan ng Roxas Boulevard ‘no walk zone’ na

written by DWIZ 882

Deklarado na ring no walk zone ang kahabaan ng Roxas Boulevard.

Ibig sabihin, maliban sa mga sasakyan bawal rin ang pedestrians sa Roxas Blvd.

Ayon kay Manila Disaster Risk Reduction and Management Office Head Johnny Yu, alinsunod ito sa direktiba ni Manila Mayor Joseph Estrada bilang bahagi ng paghihigpit sa secuguridad sa kasagsagan ng APEC Summit.

Nagtalaga na rin sila ng mga pulis na magbabantay upang matiyak na walang mamamasyal o maliligo sa Manila Bay.

By Len Aguirre

November 16, 2015 0 comment

HEADLINES

OFW na biktima ng tanim-bala di na muling tinanggap ng amo sa HK

written by DWIZ 882

Hindi na tinanggap ng kanyang amo sa Hong Kong si Gloria Ortinez o Nanay Gloria, ang OFW na hinihinalang biktima ng tanim-laglag bala sa Ninoy Aquino International Airport (NAIA).

Ayon kay Toots Ople ng Blas Ople Policy Center, may isang taon pa sana sa kanyang kontrata si Nanay Gloria subalit hindi na ito tinanggap ng amo makaraang mabigong makabalik sa itinakdang araw.

Wala na aniya silang nagawa kaya’t kinuha na lamang nila ang mga gamit ni Nanay Gloria sa bahay ng amo.

Dalawamput anim (26) na taon na ring nagtatrabaho sa Hong Kong si Nanay Gloria .

“Pupunta kami ng consulate kasi dito naman sa Hong Kong may mga benefits na puwedeng habulin, pero sabi nga ni Nanay Gloria ang mas gusto niya ay sumama sa aking pag-uwi dahil ang bigat ng kanyang kalooban, sabi niya nga ay hindi niya maunawaan pano nanagyari sa buhay niya yung ganun, happy sila ng amo niya, happy sila nung alaga niya, nagkita sila nung kanyang alaga at lumapit sa kanya.” Ani Ople.

Dahil dito, sinabi ni Ople na posibleng maghain sila ng kaso para humingi ng danyos sa pamahalaan dahil sa nangyari kay Nanay Gloria.

Dumaan sa interogasyon ng airport police si Nanay Gloria nang walang kasamang abogado at na-dismiss rin naman ng DOJ ang kanyang kaso dahil magkaiba di umano ang naprisintang bala sa piskal sa bala na di umano’y nakuha sa bag ni Nanay Gloria.

“Mahirap talagang kalimutan na nagagalit yung employer, infact para makuha yung gamit tumawag pa kami ng Hong Kong police, doon sa danyos mukhang doon patungo.” Pahayag ni Ople.

By Len Aguirre | Ratsada Balita

November 16, 2015 0 comment

NATIONAL NEWS

Tamang holiday pay sa mga manggagawa ipinaalala ng DOLE

written by DWIZ 882

Muling pinaalalahanan ng Department of Labor and Employment (DOLE) ang mga employers na holiday pay na dapat ibigay sa mga empleyadong magtatrabaho sa November 18 at 19.

Ayon kay Baldoz, iiral sa mga araw na ito ang no work no pay maliban na lamang kung mayroong sariling panuntunan ang kumpanya na nagbibigay ng dagdag suweldo sa mga deklaradong special holiday.

Tatanggap ng dagdag na 30 porsyento ng kanilang daily rate ang mga empleyadong papasok sa November 18 at 19 at karagdagang 30 percent kung lalampas sila sa 8 oras na trabaho.

50 percent naman ang holiday pay kung matataon ang November 18 at 19 sa kanilang day off.

Deklaradong special non working holiday ang November 18 at 19 dahil sa APEC Summit.

By Len Aguirre

November 16, 2015 0 comment

NATIONAL NEWS

FDA nagbabala vs pekeng antibiotics sa mga bata

written by DWIZ 882

Nagbabala ang FDA o Food and Drug Administration laban sa mga pekeng antibiotics para sa mga bata at mababang kalidad ng gamot na para sa pulmonary tuberculosis.

Ayon sa FDA, kinumpirma ng Abbot Laboratories na hindi galing sa kanila ang clarithromycin na may brandname na klaricid na galing ng Berkshire England.

Samantala, ilang batch ng isoniazid na may brandname na isonid syrup ang tinanggal ng FDA sa merkado.

Ayon sa FDA, ang isonid na gawa ng concept pharmaceuticals limited ay bigong makaabot sa kalidad na ipinatutupad ng FDA sa pisikal na kaanyuan ng gamot.

By Len Aguirre

November 16, 2015 0 comment

NATIONAL NEWS

MRT muli na namang nagkaaberya

written by DWIZ 882

Sinalubong ng aberya ang mga pasahero ng Metro Rail Transit o MRT sa kasagsagan ng rush hour kaninang umaga.

Ala-5:30 kanina nang limitahan ang biyahe ng MRT mula Taft Avenue hanggang Shaw at pabalik.

Dahil dito, pinababa ang mga nag-aabang na pasahero mula North Avenue hanggang Ortigas Station dahil nakitang ga-buhok na bitak sa riles sa bahagi ng Santolan Northbound.

Tumagal ng isang oras ang nasabing aberya ngunit naibalik din naman sa normal ang operasyon nito.

By Jaymark Dagala

November 16, 2015 0 comment

HEADLINES INTERNATIONAL NEWS

Kuta ng Islamic State sa Syria binomba ng France

written by DWIZ 882

Agad na gumanti ang France sa ginawang pag-atake ng Islamic State of Iraq and Syria o ISIS sa Paris.

Ito’y matapos bayuhin ng French warplanes ang mga kuta ng ISIS sa Raqa, Syria kung saan nawasak ang isang command post at training camp ng grupo.

Ayon sa Defense Ministry, ito ang kauna-unahang air strike laban sa ISIS matapos ang serye ng mga pag-atake sa Paris.

Sinasabing 12 warplanes na kinabibilangan ng 10 fighter bomber ang nagbagsak ng mga bomba sa mga kuta ng Jihadist group.

Sinabi ng Ministry na naisagawa ang mga air strike sa pakikipagtulungan na rin ng American forces.

Kaugnay nito, nagbanta si U.S. President Barack Obama na paiigtingin nito ang mga hakbang upang malipol ang Islamic State of Iraq and Syria o ISIS.

Ayon kay Obama, ito’y upang wala nang maganap na karahasan tulad ng mga pag-atake sa Paris nitong weekend na ikinasawi ng mahigit 100 katao.

Sa G-20 Leaders Summit sa Turkey, inilarawan ni Obama ang mga pagpatay sa Paris bilang pag-atake sa sibilisadong mundo.

Nangako naman si Obama na tutulong ito sa pamahalaan ng France sa pagtugis sa mga salarin.

November 16, 2015 0 comment

Newer Posts

Older Posts