Monthly Archives

June 2026

‘Tanim bala’ scam victim Gloria Ortinez maaari pang makabalik sa trabaho

Makababalik na muli sa trabaho si Ginang Gloria Ortinez bilang household worker sa Hong Kong.

Si Nanay Gloria ang OFW na hinihinalang biktima ng tanim-laglag bala sa Ninoy Aquino International Airport (NAIA).

Ayon sa report, tumawag kay Nanay Gloria ang kanyang amo, kumain sa isang restaurant at binigyan pa ng separation pay 13 taong serbisyo.

Pumayag din ang employer ni Ortinez na kunin siyang muli kung handa na itong bumalik sa Hong Kong.

Sa una kasing pakikipag-usap sa amo, sinabihan ito na hindi siya matatanggap sa trabaho matapos masangkot sa isyu ng tanim bala.

Nabatid na maghahain ng civil at criminal case si Nanay Gloria laban sa tanim bala gang sa NAIA.

By Meann Tanbio

November 17, 2015 0 comment

HEADLINES

Ilang kumpanya ng langis muling nagkasa ng oil price rollback

written by DWIZ 882

Nagpatupad ng tapyas presyo sa ilang produktong petrolyo ngayong araw na ito.

Epektibo kaninang alas-12:01 ng madaling araw, P0.40 mas mura ang presyo ng kada litro ng gasolina ng Petron, P0.30 naman sa kada litro ng diesel at P0.45 sentimos ang bawas sa gasolina.

Sa kaparehong oras din ay P0.35 naman ang ibinawas ng Caltex sa presyo ng kada litro ng kanilang gasolina , P0.30 sa diesel at P0.45 sa kerosene.

Samantala, alas-6:00 ngayong umaga epektibo ang P0.40 tapyas sa presyo ng gasolina ng Shell at Sea Oil, P0.45 sa kerosene P0.30 sa diesel.

Epektibo rin sa parehong oras ang P0.40 rollback sa gasolina at P0.30 sa diesel ng PTT at Phoenix Petroleum.

By Judith Larino

November 17, 2015 0 comment

HEADLINES

Lotto 6/42

written by DWIZ 882

30-20-23-16-40-14 (No Winner)
In any order
Jackpot Prize: Php 6 Million

November 17, 2015 0 comment

NATIONAL NEWS

PNP sa publiko: Manatili na lang sa bahay upang makaiwas sa trapik

written by DWIZ 882

Pinayuhan ng Pambansang Pulisya ang publiko na manatili na lamang sa bahay upang maka-iwas na matinding trapik.

Ito’y ayon kay PNP Spokesman C/Supt. Wilben Mayor kasunod ng reklamo ng maraming motorista na naipit sa matinding trapik kaninang umaga.

Ayon kay Mayor, mas makabubuti na lamang aniya ito lalo na sa mga wala namang importanteng pupuntahan upang hindi na makadagdag pa sa mabigat na daloy ng mga sasakyang nararanasan sa malaking bahagi ng Metro Manila.

Ngunit ayon naman sa mga galit na motorista’t pasahero, dapat ay ginawa na lamang isang linggo ang holiday upang hindi na nagtiyaga pang pumasok ang karamihan at naipit sa maitinding trapik.

By Jaymark Dagala

November 16, 2015 0 comment

NATIONAL NEWS

NTC: Walang signal jamming ngayong APEC Summit

written by DWIZ 882

Nilinaw ng National Telecommunications Commission o NTC na walang ipatutupad na signal jamming sa mga cellphone sa kasagsagan ng APEC Summit.

Ito ang tugon ng NTC matapos silang ulanin ng tanong bunsod ng kumakalat na text advisory.

Kasunod nito, kapwa tiniyak ng mga Telecom companies tulad ng Globe at Smart na nananatiling normal ang kanilang operasyon.

Anumang problemang mararanasan ng mga subscribers ay walang kinalaman sa mga ipinatutupad na security measures.

Kasunod nito, sinabi ng NTC na maghihintay sila kung anuman ang ipag-uutos ng Malacañang hinggil dito.

By Jaymark Dagala

November 16, 2015 0 comment

HEADLINES

PNP officials na sangkot sa AK-47 scam pinagbawalang makalabas ng bansa

written by DWIZ 882

Nagpalabas ng Hold Departure Order o HDO ang Sandiganbayan Fifth Division laban sa mga tinaguriang AK-47 Generals.

Inatasan ng Anti-Graft Court ang Bureau of Immigration o BI na ilagay sa kanilang hold departure list ang mga dati at kasalukuyang opisyal ng Philippine National Police o PNP na idinadawit sa AK-47 rifle scam.

Ito’y sina Police General Raul Petrasanta, iba pang dati at kasalukuyang police officials na sina retired Civil Security Group Director Police Dir. Gil Meneses, Police Director Napoleon Estilles, Chief Superintendent Regino Catiis at Chief Supt. Tomas Rentoy III.

By Jelbert Perdez | Jill Resontoc (Patrol 7)

November 16, 2015 0 comment

INTERNATIONAL NEWS

Death toll sa landslide sa East China umakyat na sa 25

written by DWIZ 882

Pumalo na sa 25 ang bilang ng mga nasawi sa landslide sa East China.

Naganap ang pagguho ng lupa sa Lidong Village sa probinsya ng Zhejiang.

Bukod sa mga nasawi, 12 katao naman ang nawawala o missing.

Sinasabing halos 30 bahay ang natabunan ng rumagasang putik at bato sa naturang village.

By Jelbert Perdez

November 16, 2015 0 comment

SPORTS

Coach Tim Cone: ‘Never say die spirit’ dapat muling ipakita ng Ginebra

written by DWIZ 882

Dismayado umano si Ginebra Head Coach Tim Cone sa kinalabasan ng laro nila laban sa San Miguel Beer kahapon kung saan natalo sila sa score na 82-100.

Ang Beermen ay nagpasabog ng 14 na 3-pointers sa unang half na nagpahirap sa Kings.

Ayon kay Cone, wala ang “never-say-die spirit” ng Kings kaya’t hindi ito nakaporma sa Beermen sa naturang laro.

Isa umano sa mga nagpahirap sa Kings ay si two-time MVP June Mar Fajardo kahit nasa panig nila sina Center Greg Slaughter at Japeth Aguilar.

Giit ni Cone, kailangan lang ipakita nilamg muli ang “never-say-die spirit” na siyang trademark ng mga nakaraang team ng Ginebra.

By Jelbert Perdez

November 16, 2015 0 comment

HEADLINES

Pilipinas at Chile lumagda sa dalawang kasunduan

written by DWIZ 882

Dalawang kasunduan ang nilagdaan nina Pangulong Noynoy Aquino at Chilean President Michelle Bachelet matapos ang kanilang expanded bilateral meeting sa Malacañang.

Una rito ay ang Memorandum of Understanding o MOU para sa disaster management kung saan pareho ang Pilipinas at Chile na nakaranas ng matitinding kalamidad gaya ng lindol.

Ikalawa ay ang pagpapalakas ng trade relation sa pamamagitan ng joint study for free trade agreement.

Sa mensahe ni Pangulong Aquino, mahalagang lalo pang mapaigting ang 70 taon nang ugnayan ng Pilipinas at Chile.

By Jelbert Perdez | Aileen Taliping (Patrol 23)

*Photo Credit: gov.ph

November 16, 2015 0 comment

NATIONAL NEWS

Pagsasara ng mga kalsada sa Pasay nagdulot ng matinding perwisyo sa commuters

written by DWIZ 882

Matinding perwisyo at abala ang pagsasara ng mga kalsada sa Pasay City.

Ayon sa mga commuter na dumulog sa tent ng National Capital Region Police Office o NCRPO sa Heritage Hotel, dapat inisip din ng gobyerno ang kapakanan ng mga pasahero.

Ang ilan naman ay nagsabing dapat ideklarang holiday na lamang ngayong araw dahil sarado ang mga malalaking lansangan.

Nagreklamo rin ang mga biyahero dahil hindi umano ibinalik ng ilang tsuper ng van at fx ang kanilang bayad nang sila’y pababain at paglakarin na lamang.

Sinamantala naman ng ilang mga nagmamay-ari ng mga private van ang matinding trapik sa Maynila at Pasay para kumita.

Sa ulat ng DWIZ patrol, may ilang pribadong sasakyan na nag-aalok ng sakay patungong Lawton sa Maynila.

Ayon sa ilang mananakay, hindi nila alam o napaghandaan ang pagsasara ng mga kalsada sa maynila sa unang araw ng APEC week.

By Jelbert Perdez | Jonathan Andal | Allan Francisco

November 16, 2015 0 comment

Newer Posts

Older Posts