June 2026

Nasunog kanina ang operating room ng Philippine General Hospital (PGH) na nasa ikatlong palapag ng osptial.

Ayon sa mga empleyado ng ospital may nakita silang umuusok sa ikatlong palapag na  pinagmulan ng apoy pasado alas 4:00 ng umaga.

Umabot lang sa unang alarma ang sunog at agad naideklarang fire out bago mag alas 5:00.

Walang nasaktan sa sunog, pero inilabas muna sa pagamutan ang ibang pasyente.

Ibinaba ang mga pasyente na naka-confine sa 3rd at 6th floor para hindi makalanghap ng usok.

By: Mariboy Ysibido

Nakatakdang bisitahin ni U.S. President Barack Obama ang flagship ng Philippine Navy na BRP Gregorio del Pilar, sa oras na dumating sa Pilipinas, mamayang hapon.

Ito’y bilang bahagi ng commitment ng Amerika sa regional maritime security.

Ayon sa White House, simboliko ang isasagawang tour ni Obama sa nabanggit na barkong pandigma dahil isa ito sa mga dating U.S. Coast Guard Ship na binili ng Pilipinas noong 2011.

Bagaman iginiit ng China na hindi dapat ungkatin ang issue ng territorial dispute sa APEC Meeting, inihayag ni U.S. National Security Advisor Susan Rice na magiging pangunahing paksa ni Obama ang agawan sa teritoryo sa muling pagbisita nito sa Asya.

By   Drew Nacino 

Binigyang tribute ng International Media Center ng Asia Pacific Economic Cooperation summit 2015 ang mga biktima ng terror attack sa Paris France.

Inilawan ng bughaw, puti at pula ang harapan ng international media center o ang World Trade Center sa Pasay City.

Nabatid na higit 100 ang nasawi sa mass shootings at suicide attack sa Paris nitong weekend.

Inaasahan namang mapag-usapan sa gaganaping leaders’ meeting sa APEC ang terror attack sa Paris.

Sa pagbukas ng APEC ministerial meeting kahapon, binigyang pugay din ang mga biktima ng paris attack sa pamamagitan ng pag-alay ng isang minutong katahimikan.

By: Mariboy Ysibido

Ipinagpaliban ng Supreme Court pagpapalabas ng desisyon hinggil sa constitutionality ng Enhanced Defense Cooperation Agreement o EDCA ng Pilipinas at Amerika.

Ito’y sa gitna ng muling pagbisita ni U.S. President Barack Obama sa Pilipinas para sa Asia Pacific-Economic Cooperation o APEC Meeting na idaraos sa Pasay City, ngayong linggo.

Ayon kay Atty. Theodore Te, Spokesman ng Korte Suprema, wala siyang natanggap na anumang pahayag hinggil sa desisyon ng mga mahistrado.

Gayunman, base sa source ay isa umanong mahistrado ang humiling na ipagpaliban ang paglalabas ng ruling na posible namang ilabas sa kalagitnaan ng Disyembre.

By   Drew Nacino 

Nanawagan si Bayan Muna Rep. Neri Colmenares kay Pangulong Aquino na huwag gamitin ang Paris attack para pigilan ang mga magpoprotesta sa APEC summit.

Umaasa si Colmenares na hindi gagamiting dahilan ng administrasyon ang pag-atake sa naturang bansa para hadlangan sila sa pagpapahayag ng kanilang saloobin at reklamo.

Umapela din si dating Bayan Muna Congressman Teddy Casino, isa sa organizer ng gaganaping kilos protesta at iba pang events sa APEC summit.

Nilinaw ni Casino na nakikiisa sila sa pagkondena sa ginawang terrorist attacks sa Paris at iba pang lugar kung saan tinatarget ang mga inosenteng sibilyan.

Naniniwala ang naturang grupo na gagawa pa rin ng hakbang ang gobyerno para maiwasan ang ganitong pag-atake ay makakasagasa naman sa rights to assemble at maihayag ang lehitimong reklamo ng mamamayan.

By: Meann Tanbio 

Isang babae ang napa-anak sa gitna ng matinding traffic sa ASEANA at Macapagal Avenues sa Parañaque City, kahapon.

Sa post ng netizen na si Angel Ramos-Canoy, nakaangkas ang ginang sa motorsiklo ng mister nang huminto ito bunsod ng pananakit ng tiyan ng babae.

Napahiga na lamang ang babae malapit sa City of Dreams Hotel and Casino kaya’t tinulungan ng policewomen mula Quezon City Police District subalit tumanggi naman ang mga nagpapatrol na pulis na manganak ang ginang sa loob ng police mobile.

Bandang huli, tinakpan na lamang ng payong ang misis habang iniluluwal nito ang kanyang anak na lalaki.

Sinubukan pa umanong tumawag ng mga pulis ng ambulansya subalit hindi na nito nagawang maka-abot sa takdang oras dahil traffic.

By  Drew Nacino  

Muling tiniyak ng Department of Foreign Affairs na walang Filipinong nadamay sa serye ng pag-atake sa Paris.

Gayunman, sinabi ni DFA Spokesman Assistant Secretary Charles Jose na mayroong mga Pinoy doon ang nagulantang sa tindi ng pagsabog kung saan sa sobrang lakas ay yumanig ang kanilang mga bintana.

Samantala, inanunsyo rin ng DFA na maaaring kontakin ng mga Pinoy sa France ang embahada ng Pilipinas sa Paris sa pamamagitan ng kanilang emergency number na 06 20 59 25 15.

Bukas na rin anila ang special telephone line ng bansang France para sa mga pamilya na biktima ng pag-atake na nangangailagan ng tulong at maaaring tumawag sa 0800 40 60 05.

By: Meann Tanbio I Allan Francisco

Libu-libong pasahero ang napilitang maglakad bunsod ng matinding traffic sa ilang pangunahing kalsada sa Metro Manila na apektado ng road closure para sa Asia-Pacific Economic Cooperation Summit.

Pawang mga commuter na patungo at nagmula sa Southern Metro Manila, Cavite at Laguna ang naapektuhan ng road closure, kahapon.

Kabilang sa mga isinara ang malaking bahagi ng Roxas Boulevard, ilang bahagi ng Edsa, Macapagal Avenue at Coastal Road.

Samantala, ibinulalas naman ng mga pasahero ang kanilang pagka-dismaya at galit sa social media sa pamamagitan ng pagbatikos sa pangbe-baby umano ng gobyerno ng Pilipinas sa mga APEC delegate.

By   Drew Nacino