June 2026

Nasa full alert ang pulisya at militar sa Zamboanga City dahil sa pinangangambahang sympathy attack na puwedeng isagawa ng mga terorista sa syudad.

Kasunod ito ng pag-atake ng mga terorista sa Paris, France.

Lahat ng lugar na papasok at palabas ng Zamboanga ay nilagyan na ng checkpoints upang matiyak na hindi mapapasok ng teroristang grupo ang syudad.

Tatlong (3) dayuhang Jihadists ang sinasabing nasa Basilan at nagsasagawa ng training sa paggawa ng bomba.

Gayunman, sinabi ng Joint Task Group Zamboanga na ang full alert ay bilang paghahanda lamang habang inaalam pa nila kung may basehan ang sinasabing sympathy attack sa syudad.

By  Len Aguirre  

Halos isa at kalahating milyon ang nadagdag sa bilang ng mga botante para sa 2016 elections.

Ayon sa Commission on Elections o COMELEC, pumapalo na sa 54.5 million ang bilang ng registered voters sa kasalukuyan.

Dahil dito, sinabi ni COMELEC Commissioner Robert Lim na kinakailangan nilang dagdagan ang kanilang gagamiting voting machines.

Sinabi ni Lim na nagpasya silang kumuha ng 3,540 optical mar readers sa smartmatic-tim sa halagang P133 million pesos.

Ito anya ay upang masunod pa rin ang plano ng COMELEC na gumamit ng isang makina sa bawat 800 botante at maiwasan ang mahahabang pila sa mga presinto.

By Len Aguirre 

Patuloy ang pagbuhos ng domestic tourists sa Boracay kasunod nang deklarasyon ng holiday sa Metro Manila ngayong linggo dahil sa APEC Summit.

Ayon kay Niven Maquirang, administrator ng Caticlan Jetty Port, handa ang isla sa pagbuhos ng mga turista mula sa Metro Manila.

Tiniyak ni Maquirang ang higit pang paghihigpit sa ipinatutupad nilang seguridad sa isla lalo na ang pag monitor sa entry point ng mga turista sa Cagban at Manoc Manoc areas.

Mahigpit na ipinatutupad ng Philippine Coast Guard ang pagsusuot ng life vest ng mga pasaherong sumasakay ng pump boat gayundin ang manifesto para maiwasan ang overloading.

Dahil dito, nagtalaga na ng mga motorbanca para sa mga bisita, sa mga construction worker at iba pang nagtatrabaho sa isla.

Nabatid na nakapagtala na ang isla ng Boracay ng mahigit 1.3 million tourist arrivals.

By  Judith Larino  

Patay ang 4 katao habang sugatan ang 3 iba pa matapos pagbabarilin sa loob ng kanilang bahay sa probinsya ng Cotabato.

Kinilala ni Provincial Police Director Senior Superintendent Alex Tagum ang mga nasawi na sina Sara Agal, 9; Pama Agal, 10; Mustafa Agal, 12; at Makamid Agal, 18.

Kabilang naman sa mga nasugatan sina Jerry Agal, 42; Ebrahim Agal, 50; at isang siyam na buwang gulang na sanggol.

Ayon sa pulisya, nasa loob lang ng kanilang tahanan sa barangay Ugalingan sa Carmen ang mga biktima nang pagbabarilin ng mga suspek bago tumakas.

Iniimbestigahan pa ng pulisya ang naturang insidente.

By Jelbert Perdez