Monthly Archives

June 2026

5 katao patay sa pag-atake ng mga terorista sa Israel

Pinagsasaksak hanggang sa mapatay ng isang Palestinian ang 2 katao sa Tel Aviv habang 3 pa ang napatay sa isang pag-atake sa West Bank.

Ayon sa pulisya inatake ng isang Palestinian na pinaniniwalaang terorista ang isang tindahan na nagbebenta ng mga Jewish religious items.

Sa ulat naman ng pulisya sa isa pang pag-atake na naganap malapit sa Gush Etzion settlement sa West Bank, isang Palestinian ang nagmamaneho sa main road at nagpaputok sa gitna ng trapiko na ikinamatay naman ng tatlo habang sugatan ang iba pa.

Sinabi ni Police Spokesman Micky Rosenfeld na isa sa tatlong napatay ay American citizen habang ang 2 iba pa ay Palestinian at Israeli.

By Mariboy Ysibido

November 20, 2015 0 comment

ENTERTAINMENT

Kasal ni Nikki Gil at businessman boyfriend nito inaantabayanan na

written by DWIZ 882

Inaantabayanan na ang kasal ng singer-actress na si Nikki Gil sa negosyanteng si B.J. Albert.

Kamakailan lamang ay isang despedida de soltera ang idinaos para kay Nikki ng kanyang pamilya.

Bagaman kumakalat sa social media na ngayong araw ang pag-iisang dibdib ni Nikki at BJ, pinabulaanan naman ito ng Kapamilya actress.

Nilinaw ng TV host na itatakda ang kanilang kasal ngayong Nobyembre subalit hindi naman nito idinetalye ang eksaktong petsa.

Naging mag-schoolmate si Nikki at B.J. sa Ateneo de Manila University at noon lamang 2013 ay niligawan ni Albert ang singer-actress bago naging mag-on noong isang taon.

Noon lamang Disyembre 2014 ay naging officially engaged ang magkasintahan.

By Drew Nacino

November 20, 2015 0 comment

HEADLINES

MegaLotto 6/45

written by DWIZ 882

14-08-45-09-33-31 (No Winner)
In any order
Jackpot Prize: Php 60,148,720.00

November 20, 2015 0 comment

INTERNATIONAL NEWS

Sinasabing ringleader ng Paris terror attack kumpirmadong patay

written by DWIZ 882

Kumpirmadong patay ang sinasabing ringleader ng “Friday the thirteeth Paris terror attack” sa France.

Ito’y matapos ang madugong bakbakan sa isang apartment sa Paris, kahapon.

Ayon sa French authorities, natunton ng mga pulis ang pinagtataguan ni Abdelhamid Abaaoud sa pamamagitan ng wire-tapping makaraang maiwan ang cellphone ng isa sa mga kasamahan niyang terorista nang ilunsad nila ang pag-atake noong November 13.

Narekober ang bangkay ni Abaaoud sa apartment na tadtad ng bala matapos ang anim na oras na putukan na sinabayan ng mga pagsabog.

Samantala, kinumpirma rin ng mga otoridad na pinsan ng suspek ang isang babaeng suicide bomber base na rin sa mga narekober na bahagi ng katawan nito.

By Drew Nacino

November 20, 2015 0 comment

NATIONAL NEWS

Drug den sa Cebu nasakote ng mga otoridad

written by DWIZ 882

Tumambad sa mga otoridad ang isang drug den na halos katabi lamang ng opisina ng National Bureau of Investigation (NBI) sa Cebu City.

Arestado sa raid ng mga otoridad matapos maaktuhang gumamit ng droga sina Joel Cabesas, Michael Muryano, Roy Muryano, Felipe Gilig, Adrian Lagunda, Kimberly Tayabo, Danielo Palielo at Albert Makinano.

Inihahanda na ang kasong isasampa laban sa mga suspek na nahulihan ng limang pakete ng hinihinalang shabu.

Kaugnay nito, tiniyak ng NBI ang pagpapalakas ng kampanya kontra droga lalo na’t tila sampal sa kanila ang operasyon ng mga drug pushers at users malapit sa kanilang opisina.

By Judith Larino

November 20, 2015 0 comment

NATIONAL NEWS

Oktubre 2015 pinakamainit sa nakalipas na 135 taon

written by DWIZ 882

Itinuturing na pinakamainit na Oktubre ang naranasan noong nakalipas na buwan sa nakalipas na 135 taon.

Batay sa pag-aaral ng National Aeronautics and Space Administration ng Amerika, kakaiba ang October 2015 dahil sa kauna-unahang pagkakataon simula noong taong 1800 ay tumaas ang temperatura ng mundo ng mahigit 1 degree celsius kaysa sa normal sa loob lamang ng isang buwan.

Tinukoy ng experts ang isa sa mga dahilan ang patuloy na pag-iral ng matinding El Niño.

By Judith Larino

November 20, 2015 0 comment

NATIONAL NEWS

Ilang APEC leaders nakaalis na ng bansa

written by DWIZ 882

Bumiyahe na pabalik ng kani-kanilang bansa ang ilang world leaders matapos dumalo sa APEC Summit.

Kabilang dito sina Singaporean Prime Minister Lee Hsien Loong, President Michelle Bachelet ng Chile na siyang unang dumating sa bansa at nagsagawa muna ng kauna-unahang state visit sa Pilipinas bago dumalo sa APEC.

Umalis na rin ng Pilipinas kagabi sina Vietnam President Truong Tan Sang, Colombian President Juan Manuel Santos, Sultan Hassanal Bolkiah ng Brunei at Chinese President Xi Jinping.

Ngayong araw na ito inaasahan naman ang pagbiyahe pabalik ng kani-kanilang teritoryo sina Canadian Prime Minister Justin Trudeau at US President Barrack Obama gayundin ang iba pang heads of state.

By Judith Larino

November 20, 2015 0 comment

HEADLINES

Mga isinarang kalsada para sa APEC bukas na mamaya

written by DWIZ 882

Magbabalik-normal na ang sitwasyon ng mga isinarang kalsada sa Metro Manila para sa APEC Summit.

Dakong alas-4:00 ngayong araw na ito, inaasahang makakaalis na ang lahat ng mga opisyal ng iba’t ibang mga bansang dumalo sa APEC Summit.

Ayon kay Chief Supt. Arnold Gunnacao, hepe ng Highway Patrol Group, bubuksan nila ang lahat ng kalsadang isinara sa sandaling makaalis ang mga matataas na opisyal ng APEC member economies.

Alas-10:00 ng umaga binuksan na ng HPG ang kabuuan ng EDSA sa daloy ng trapiko at iba pang mga kalsada maliban sa Roxas Boulevard.

By Len Aguirre | Balitang Todong Lakas

November 20, 2015 0 comment

HEADLINES

Binabantayang bagyo malaki ang tiyansang pumasok sa PAR

written by DWIZ 882

Malaki ang tiyansa na pumasok sa Philippine Area of Responsibility (PAR) ang tropical storm na binabantayan sa Pacific Ocean.

Ayon sa Philippine Atmospheric Geophysical and Astronomical Services Administration (PAGASA), 60 percent ang tiyansang pumasok sa PAR ang bagyong may international name na ‘Infa’ at tatawaging ‘Marilyn’ kapag pumasok sa bansa.

Kaninang alas-2:00 ng umaga, huling namataan ang bagyong may international name na ‘Infa’ sa layong 2,620 kilometro silangan ng Mindanao.

Sinabi ng PAGASA, masyado pang malayo ang nasabing bagyo para matukoy ang eksaktong araw ng pagpasok nito sa bansa.

By Mariboy Ysibido

November 20, 2015 0 comment

HEADLINES

Tagumpay ng 27th APEC Summit ipinagmalaki ni Pangulong Aquino

written by DWIZ 882

Ipinagmalaki ni Pangulong Benigno Aquino III ang tagumpay ng isang taong pagho-host ng Pilipinas sa 27th Asia Pacific Economic Cooperation Summit.

Ayon kay Pangulong Aquino, naipagpatuloy nila ang tagumpay bilang host sa pamamagitan ng paglalatag ng mga pundasyon sa pagpapalawak ng kalakalan at matatag na ekonomiya.

Nagpapasalamat din ang Pangulo sa kanyang mga kapwa APEC leader para sa pakikipagtulungan at positibong pananaw sa kanilang mga layunin.

Tiniyak naman ng punong ehekutibo na kanilang natalakay ang mga hamong kinakaharap ng pabago-bagong economic environment.

Ibinida rin ni Pangulong Noynoy Aquino ang mga kasunduan na pinasok ng Pilipinas at ilang member economy ng Asia Pacific-Economic Cooperation o APEC.

Ayon kay Pangulong Aquino, isang malaking oportunidad para sa Pilipinas na maging host ng 27th APEC Summit dahil naging daan ito upang mapalago ang ekonomiya ng bansa at mapatatag ang ugnayan nito sa international community.

Kabilang aniya sa mga napagkasunduan ay ang pagpapatatag ng kampanya kontra iligal na droga; defense at agriculture.

Ilan din anyang leader ang nagpahayag ng suporta sa Pilipinas para sa pagsali sa trans-pacific partnership.

Bukod dito ay inamin ng Pangulo na nalulugod siya sa pahayag ni U.S. President Barack Obama na i-tuturn over nito ang isa pang coast guard cutter at research vessels upang maiangat ang kapabalidad ng Philippine Navy.

By Drew Nacino | Aileen Taliping (Patrol 23)

Photo Credit: Malacanang Photo Bureau

November 20, 2015 0 comment

Newer Posts

Older Posts