Monthly Archives

June 2026

Pag-withdraw ng COC ni Dinio makakaapekto sa kandidatura ni Duterte

Makakaapekto sa kandidatura ni Davao City Mayor Rodrigo Duterte ang ginawang pagwi-withdraw ng certificate of candidacy ni PDP-Laban Presidential Candidate Martin Dinio.

Ito ang opinyon ni Atty. Larry Gadon dating legal consultant ni former President Gloria Macapagal Arroyo.

Ayon kay Gadon isang malaking pagkakamali ang ginawa ni Dinio para gawing substitute si Davao City Mayor Digong Duterte dahil wala naman aniyang immediate substitution na nangyari ng i-withdraw ni Dinio ang kanyang kandidatura.

Malaking legal isyu aniya ang substitution ni Duterte dahil wala na siyang pwede pang i-substitute dahil hindi na existing ang COC ni Dinio.

“Ang isa pang malaking pagkakamali diyan ay yung winithdraw niya yung kanyang COC eh wala namang immediate substitution so as of now yung COC is no longer existing.” Pahayag ni Gadon.

By Mariboy Ysibido | Balitang Todong Lakas

November 25, 2015 0 comment

NATIONAL NEWS

Delegasyon ng Pilipinas sa The Hague full force sa pagdinig sa kaso vs China

written by DWIZ 882

Full force at bigatin ang delegasyon ng Pilipinas para sa unang round ng pagdinig sa merito ng reklamong idinulog sa Arbitral Tribunal laban sa China kaugnay sa mga inaangking teritoryo sa West Philippine Sea.

Sa ipinalabas na advisory ng Malakanyang, nagsimula kahapon ang hearing sa Permanent Court of Arbitration sa The Hague, Netherlands at tatagal hanggang Nobyembre 30.

Pinangunahan ni Foreign Affairs Secretary Albert del Rosario ang 48 kataong delegasyon para ipresenta ang kaso sa International Court.

Si Solicitor General Florin Hilbay at Principal Counsel Paul Reichler naman ang nagbibigay ng briefing sa itinatakbo ng pagdinig hanggang matapos ito sa Lunes.

Kabilang din sa mga nagtungo sa Netherlands sina Supreme Court Senior Associate Justice Antonio Carpio, Associate Justice Francis Jardeleza;

Muntinlupa Rep. Rodolfo Biazon, Political Affairs Secretary Ronald Llamas, Security Cluster Executive Director Emmanuel Bautista at Deputy Executive Secretary Menardo Guevarra.

By Drew Nacino | Aileen Taliping (Patrol 23)

Photo from: gov.ph

November 25, 2015 0 comment

NATIONAL NEWS

Jason Ivler dinala na sa NBP matapos hatulang guilty sa kasong murder

written by DWIZ 882

Agad dinala sa New Bilibid Prison (NBP) sa Muntinlupa City ang road rage suspect na si Jason Aguilar Ivler matapos hatulan ng guilty sa kasong murder, kahapon.

Pagkatapos basahan ng sakdal sa Quezon City Hall of Justice ay agad umalis si Ivler kasama ang anim na opisyal ng Bureau of Jail Management and Penology.

Hindi na nagpa-unlak ng panayam sa media si Ivler maging ang mga kaanak ng biktimang si Victor Ebarle Junior.

Taong 2010 nang maaresto ang pamangkin ng OPM artist na si Freddie Aguilar sa kasong pagpatay kay Ebarle, na anak naman ni Renato Ebarle Sr., na dating opisyal sa Malakanyang dahil sa away trapiko noong 2009.

Pangakong hustisya sa anak

Natupad ko na ang pangako ko sa aking anak.

Pahayag ito ni dating Presidential Chief of Staff Renato Ebarle, Sr. matapos i-welcome ang hatol na habambuhay na pagkabilanggo kay Jason Ivler na pumatay sa anak niyang si Renato Victor Ebarle, Jr. noong 2009.

Ayon kay Ebarle, nangako sila sa anak niya na bibigyan ng hustisya ang pagkamatay nito habang inihahatid nila ito sa huling hantungan.

Sinabi ni Ebarle na mahabang proseso nang paglilitis ang pinagdaanan nila sa nakalipas na anim na taon subalit ang conviction kay Ivler ay patunay lamang ng makatuwirang hustisya sa bansa.

Hindi aniya siya dumalo sa promulgation dahil hindi niya kayang makaharap si Ivler bagamat maaaring sa mga susunod na panahon ay mapapatawad niya ito.

Inamin ni Ebarle na hanggang ngayon ay hindi pa niya matanggap ang pagkamatay ng kaniyang anak na nag-iisang lalaki sa apat niyang supling.

Inihayag pa ni Ebarle na tiwala siyang kakatigan ng Court of Appeals ang desisyon ng Quezon City RTC dahil sa mabigat na ebidensyang inilatag ng prosecution kontra kay Ivler.

By Drew Nacino | Jonathan Andal | Judith Larino

November 25, 2015 0 comment

HEADLINES

Bagyong Marilyn tuluyan nang humina habang papalabas ng PAR

written by DWIZ 882

Humina na ang bagyong Marilyn habang kumikilos papalapit sa eastern boundary ng PAR o Philippine Area of Responsibility.

Ang sentro ng bagyong Marilyn ay pinakahuling namataan sa layong 1,360 kilometro silangan ng Calayan Island.

Taglay ng bagyong Marilyn ang pinakamalakas na hanging umaabot sa 110 kilometro kada oras malapit sa gitna at may pagbugso na umaabot sa 140 kilometro kada oras.

Ang bagyong Marilyn ay tinatayang kikilos pa-hilagang silangan sa bilis na 11 kilometro kada oras.

Mamayang gabi, ang bagyong Marilyn ay inaasahang nasa layong 1,515 kilometro silangan ng Itbayat, Batanes o nasa labas na ng Philippine Area of Responsibility.

By Judith Larino

November 25, 2015 0 comment

HEADLINES

DTI tali ang kamay sa isyu ng di makontrol na pag-arangkada ng Montero Sport

written by DWIZ 882

Inamin ng Department of Trade and Industry (DTI) na wala silang kakayahan na suriin at ipa-recall ang Montero Sport sa gitna ng dumaraming reklamo dito.

Ayon sa DTI, wala silang kakayahang teknikal para gawin ito maliban lamang kung boluntaryo itong gagawin ng Mitsubishi motor.

Ayon sa kumpanya, sa Thailand galing ang Montero Sport at ini-export sa buong timog silangang Asya ngunit sa Pilipinas lamang naitala ang problema sa hindi makontrol na pag-arangkada ng naturang SUV model.

Nakatakda namang sagutin ng Mitsubishi Motors ang isyu sa isang press conference sa Biyernes.

100 cases

Samantala, halos 100 na ang naitalang kaso ng sudden unintended acceleration o biglaang pagharurot sa Montero Sport.

Ito ang inamin ng Mitsubishi Motors sa pagdinig ng kamara noon pang Mayo.

Kabilang sa mga nabiktima nito ay ang anak ni Ilocos Norte Cong. Rudy Fariñas na si Board Member Ria Fariñas kung saan dalawa ang namatay sa insidente at ilan pa ang sugatan.

Una nang inirekomenda ng House Committee on Trade and Industry na ipatigil ang pagbili sa Montero Sport at iutos ang pag-pullout hangga’t di pa nare-resolve ang isyu.

Ayon sa mga bagong biktima, pagpapatunay lamang ito na hindi sinunod ng gobyerno ang naging rekomendasyon.

By Rianne Briones

November 25, 2015 0 comment

HEADLINES

Grand Lotto 6/55

written by DWIZ 882

23-06-54-18-13-49 (No Winner)
In any order
Jackpot Prize: Php 32,721,212.00

November 25, 2015 0 comment

HEADLINES

Mega Lotto 6/45

written by DWIZ 882

10-04-45-14-40-39 (No Winner)
In any order
Jackpot Prize: Php 69,142,476.00

November 25, 2015 0 comment

NATIONAL NEWS

Petisyong kustodiya kay Pemberton ibinasura ng SC

written by DWIZ 882

Ibinasura ng Korte Suprema ang petisyon sa kustodiya kay US Marine Lance Corporal Joseph Scott Pemberton na akusado sa pagpatay sa Filipino transgender na si Jeffrey “Jennifer” Laude.

Magugunitang naghain ng petisyon ang pamilya Laude sa SC upang hilinging na ipiit sa regular na kulungan sa Pilipinas si Pemberton mula sa kustodiya ng Amerika.

Pinalawig naman ng Supreme Court hanggang Pebrero 19 taong 2016 ang status quo ante order ni dating Pangulong Gloria Arroyo.

Naglabas ng desisyon ang SC matapos maghain ng 115-page petition si Arroyo na humihiling na baligtarin ang final ruling ng Sandiganbayan 1st Division noong Pebrero na nagbabasura sa kanyang bail motion sa nalalabing plunder case laban sa kanya kaugnay sa PCSO fund anomaly.

Samantala, ibinasura rin ng Korte Suprema ang Motion for Leave to Intervene ni dating US Senator Mike Lavelle na humihiling na mapasama ito sa mga petitioner na tumututol sa Enhanced Defense Cooperation Agreement o EDCA sa pagitan ng Pilipinas at Estados Unidos.

By Drew Nacino | Bert Mozo (Patrol 3)

November 24, 2015 0 comment

NATIONAL NEWS

Jason Ivler guilty sa kasong pagpatay sa anak ng ex-Palace official–QC court

written by DWIZ 882

Hinatulan na ng guilty ng Quezon City Regional Trial Court Branch 84 ang road rage suspect na si Jason Ivler, pamangkin ng OPM artist na si Freddie Aguilar.

Kaugnay ito sa pagpatay kay Victor Ebarle Junior, na anak ng isang dating opisyal ng Malakanyang, noong 2009.

Sa hatol ni Branch 84 Judge Luisito Cortez, habang-buhay na pagkaka-bilanggo ang kahaharapin ni Ivler at kailangang magbayad ng P9 million pesos na kompensasyon sa pamilya ng biktima.

Samantala, inihayag naman ni Boy Evangelista, Spokesman ng Volunteers Against Crime and Corruption na isang malaking tagumpay sa justice system ng bansa ang hatol ng korte kay Ivler.

By Drew Nacino | Jonathan Andal

November 24, 2015 0 comment

NATIONAL NEWS

NDRRMC naka-blue alert dahil sa bagyong Marilyn

written by DWIZ 882

Naka-blue alert na ngayon ang National Disaster Risk reduction and Management Council o NDRRMC para sa bagyong Marilyn na nasa loob pa ng Philippine Area of Responsibility o PAR kahit na inaasahang hindi ito magla-landfall.

Ibig sabihin ng blue alert, nakaantabay ang kalahati ng puwersa ng NDRRMC ng 24 oras sa galaw at posibleng epekto ng naturang bagyo.

Tiniyak naman ng NDRRMC na naipaparating sa kanilang mga lokal na tanggapan ang lahat ng mga impormasyon kaugnay ng masamang panahon.

Makakaagapay ng NDRRMC ang Philippine National Police, Armed Forces of the Philippines at Bureau of Fire Protection at Department of Health sa paghahanda sa posibleng pananalasa ng bagyo.

By Jelbert Perdez | Jonathan Andal

November 24, 2015 0 comment

Newer Posts

Older Posts