Dalawang indibidwal ang nasawi sa Northern Samar bunsod ng pagbaha at malakas na pag-ulan.
Ayon kay Josh Echano, Pinuno ng Northern Samar Provincial Disaster Risk Reduction and Management Office, kabilang sa mga biktima ang isang residente ng Laoang habang isang sundalo naman ang inanod ng baha sa San Isidro.
Apat na bayan sa lalawigan ang labis na naapektuhan ng pagbaha kung saan kabilang dito ang Catarman, Catubig, Las Navas at Lope de Vega.
Umabot naman sa 18,239 indibidwal o katumbas ng 4,561 pamilya ang nananatili sa evacuation centers.
Nagsasagawa na ng rapid assessment ang provincial government upang matukoy ang bilang ng mga napinsalang bahay at halaga ng pinsala sa sektor ng agrikultura.