Tukoy na ang pagkakakilanlan ng dalawang nasawi sa nangyaring bakbakan sa pagitan ng militar at ng mga hinihinalang rebeldeng grupo sa Sitio Mauban, Brgy. Mampirao, Caramoan, Camarines Sur.
Base sa ulat ng 9th infantry division o ng Philippine Army, nakilala ang mga nasawi na sina Norberto Balcueva alyas Ka Obet o Ka Arlo, 50-anyos ng Barangay Poloan ng nasabing bayan at Salvador Remoto, 46-anyos, ng Barangay Pili, Presentacion ng nabanggit na lalawigan.
Sinabi ng 9th ID,na kabilang si Balcueva sa mga high ranking official ng CTG sa 4th district ng Camarines Sur.
Naganap ang palitan ng putok sa pagitan ng dalawang panig na ikinamatay nina Balcueva at Remoto na pawang kasapi umano ng New People’s Army o NPA.
Nakarekober naman ang ibat ibang klase ng mga armas.
