Ipinagpaliban ng Commission on Elections (COMELEC) ang nakatakda sanang presidential at vice-presidential townhall debates sa April 23 at 24.
Ayon sa poll body, isasagawa na lamang sa April 30 at May 1 ang naturang mga debate.
Kaugnay nito, humingi ng paumanhin si COMELEC Commissioner Rey Dulay sa mga kandidato.
Sinabi naman ni Commissioner George Garcia na ang Kapisanan ng mga Brodkaster ng Pilipinas (KBP) ang kanilang makakatuwang sa dalawang nalalabing COMELEC-Sponsored Debates. —sa ulat ni Aya Yupangco (Patrol 5)
