Wala nang buhay nang matagpuan ang dalawang minero sa isang tunnel sa Sitio Millsite, Barangay Gumatdang sa bayan ng Itogon sa Benguet kahapon.
Kinilala ang mga biktima na sina Robert Gorteza, 28 anyos at Anthony Salas, 30 anyos.
Hinala ng mga awtoridad, pagkakalason mula sa tumagas na natural gas sa loob ng minahan ang naging sanhi ng pagkasawi ng dalawa.
Napag-alaman ding tumuloy pa rin ang dalawang minero sa kanilang aktibidad sa kabila ng babala ng mga kinauukulan hinggil sa nararanasang pag-ulan sa nasabing lugar.
