Nahaharap sa kasong tax evasion ang 2 kumpaniya sa Makati City matapos hindi makapagbayad ng buwis sa Bureau of Internal Revenue.
Ayon sa BIR, nasa P60 milyong halaga ng buwis ang hindi nabayaran ng dalawang kumpaniya.
Kabilang sa mga kumpaniyang hinahanting ng BIR ay ang Green Money Tree Lending Corp., na isang sanglaan at financing company sa the World Centre Bldg. sa barangay Bel Air at ang Master Sports Corp. na nagbebenta ng sporting equipment sa BMG Centre sa Paseo de Magallanes.
Ayon sa ahensya, hindi umano sila nagbayad at nag-remit ng 2020 withholding tax ng sweldo ng kanilang mga tauhan, maging ang 2019-2020 percentage tax.
Bukod pa dito, hindi din sila nagbayad at nag-remit ng 2016 withholding tax, 2016 expanded withholding tax, at value added tax mula 2016-2019. —sa panulat ni Angelica Doctolero
