Kalaboso ang dalawang holdaper ng UV Express, makaraang maaresto ng mga otoridad sa lunsod ng Quezon.
Kinilala ang mga suspek na sina Noel Hernandez at Ramil Bustamante na kapwa nakuhanan ng patalim.
Base sa ulat ng mga otoridad, nagpanggap na pasahero ang mga suspek at pagsapit sa may bahagi ng UP Diliman, agad na nagdeklara ng holdap ang mga ito, sabay limas sa gamit at pera ng mga pasahero.
Mabilis na bumaba ng sasakyan sina Hernandez at Bustamante na tila walang nangyari.
Ngunit lingid sa kaalaman ng mga suspek na sinundan na sila ng pasaherong biktima na si alyas “Mark” na humingi ng tulong sa mga bystander sa lugar.
Agad na naaresto ang dalawa na nagtamo ng mga sugat at pasa sa katawan makaraang gulpihin ng taumbayan.
Posted by: Robert Eugenio