Patay ang dalawang bata matapos malunod sa Dasmariñas, Cavite.
Sa pagsasagawa ng rescue operation ng CDRRMO Dasmariñas, natagpuan ang dalawang batang may edad onse at trese anyos sa malalim na bahagi ng ilog matapos ang dalawang oras na paghahanap sa mga ito sa Pasong Baca River.
Nagkayayaan umano ang mga kaibigan ng mga bata na maligo sa nasabing ilog.
Tatlong bata rin ang nasawi sa lawa sa barangay Pulanglupa Uno, Las Piñas matapos ding malunod.
Ang mga ito ay nasa edad, pito, siyam at labing dalawang taong gulang.
Ayon sa mga kaanak, hindi nila alam na nagtungo ang mga bata sa lawa para maligo sa kasagsagan ng pag-ulan.
