Isinailalim na sa state of calamity ang lalawigan ng Laguna kasunod ng pinsalang idinulot ng bagyong Maring.
Ayon kay Laguna Governor Ramil Hernandez, malawak ang naging pinsala ng bagyo sa lalawigan batay sa datos ng Provincial Disaster Risk Reduction and Management Office (PDRRMO).
Sinabi ni Hernandez na nasa 828 pamilya o katumbas ng 4,140 indibiduwal ang kasalukuyang nasa evacuation center.
Sa pinakahuling tala ng Laguna PDRRMO, anim ang nawawala sa lalawigan dahil sa bagyong Maring.
—-
