Sumailalim sa sorpresang drug testing ang 144 na mga pulis mula sa Quezon City Police District (QCPD) at Holy Spirit Station.
Ayon kay QCPD Director Brig. Gen. Remus Medina, patuloy ang pagsasagawa ng surprise drug test sa lahat ng Kapulisan ng QCPD upang matiyak at malaman kung sino ang gumagamit ng ipinagbabawal na droga
Nabatid na bukod sa drug testing ay sumailalim din sa inspeksyon ang mga pulis kung saan sinisiyasat ang kanilang mga baril, PNP identification card, automatic teller machine cards o ATM at cellphones upang matiyak na walang sinumang pnp personnel na naglalaro ng E-sabong o ang electronic cockfighting.
Pinaalalahanan rin ni Medina ang Kapulisan na sumunod sa internal cleansing program at iwasan na masangkot sa anumang ilegal na aktibidad upang mapanatili ang pagiging isang mabuting pulis at makapagbigay serbisyo nang tapat at buong puso.–-sa panulat ni Mara Valle
