Labing isa (11) ang kumpirmadong nasawi habang tinatayang nasa dalawampu (20) ang sugatan sa magkasunod na pagsabog sa dalawang istasyon ng tren sa St. Petersburg sa bansang Russia.
Batay sa impormasyon ng Russian authorities, nangyari ang unang pagsabog sa Sennaya Ploshchad Metro Station at sinundan naman iyon ng isa pang pagsabog sa Technologichesky Institute Station.
Batay sa mga larawang kumakalat sa social media, wasak ang isa sa mga pintuan ng tren dahil sa lakas ng pagsabog.
Ayon mismo kay Russian President Vladimir Putin, bagama’t terorismo ang posibleng dahilan ng pagpapasabog, sinabi nito na masyado pang maaga para kumpirmahin iyon.
Dahil dito, ipinag-utos na ng Russian President ang masusing imbestigasyon habang nagpaabot naman ng pakikiramay ang Russian government sa pamilya ng mga biktima sa nangyaring pagpapasabog.
By Jaymark Dagala
