Patay ang apat (4) katao habang siyamnapung (90) iba pa ang sugatan sa pagsabog ng isang car bomb sa Kabul Afghanistan.
Ayon sa gobyerno ng Afghanistan, nangyari ang pagpapasabog sa Jalalabad Road, malapit sa Green Village Compound kung saan matatagpuan ang ilang international companies at charities.
Karamihan anila sa mga naging biktima ay sibilyan habang dalawampu’t tatlo (23) sa mga nasugatan ay mga bata.
Samantala nagkasa na ng search operation ang Afghan government para habulin ang mga salarin sa pag-atake.
—-
