Aabot sa 100 recruitment agencies ang inaprubahan na para sa deployment ng mga Overseas Filipino Workers (OFWs) sa Kingdom of Saudi Arabia.
Ayon kay Migrant Workers Secretary Susan ‘Toots’ Ople, unang batch pa lamang ito dahil nagpapatuloy pa ang pagsala sa iba pang ahensiya.
Kabilang sa mga manggagawang ipapadala sa Saudi ay ang mga construction at domestic workers.
Noong Nobyembre 7 nang inalis ng Pilipinas ang deployment ban ng mga OFWs sa Saudi, na ipinatupad dahil sa hindi nabayarang sahod.
Sa ngayon, bumubuo na ng whitelist at blacklist ng mga recruitment agencies ang DMW.
Kabilang sa whitelist ang mga inaprubahan na ng gobyerno ng Pilipinas habang ang blacklist ay yung mayroong nakabinbing kaso.