Inaasahang mailalagay na sa moderate risk category sa susunod na linggo ang karamihan sa highly urbanized cities sa Mindanao.
Ayon kay OCTA Fellow Dr. Guido David, nananatiling high risk ang Butuan, Cagayan De Oro, Davao City, General Santos, at Zamboanga City.
Naitala naman ang average daily attack rate (ADAR) na 10.48 sa Butuan, 11.77 sa Cagayan De Oro, 13.61 sa Davao City, 12.66 sa General Santos, at 14.97 sa Zamboanga City.
Samantala, nasa moderate risk naman ang Cotabato at Iligan na may ADAR na 5.57 at 5.68.
Itinuturing na high risk kapag ang ADAR ay higit pa sa seven per 100,000 population habang itinuturing naman sa moderate risk category kapag ang ADAR ay nasa pagitan ng one hanggang seven.
Lahat naman ng highly urbanized cities ay nakapagtala ng reproduction number na mas mababa sa one.