Aabot sa mahigit 10 milyong doses ng COVID-19 vaccine ang natanggap ng Pilipinas nitong Miyerkules.
Ayon sa National Task Force (NTF) Against COVID-19, dumating kagabi ang mahigit 1.1 milyong doses ng Pfizer-Biontech COVID-19 vaccine na binili ng pamahalaan; mahigit 2.2 milyong doses ng bakuna ng Astrazeneca na binili naman ng pribadong sektor at 2.2 milyong doses ng Moderna vaccine na donasyon ng German government sa pamamagitan ng Covax facility.
Una rito, natanggap rin ng bansa kahapon ang 214,500 doses ng Astrazeneca vaccine na donasyon ng British government; 856,800 doses ng Moderna mula sa Germany; at mahigit talong milyong doses ng Janssen vaccine na mula naman sa Dutch government.
Muli namang hinikayat ni Assistant Secretary Wilben Mayor ng NTF Against COVID-19, ang publiko na magpabakuna na lalo pa’t mayroon nang dalawang kaso ng Omicron variant sa Pilipinas.