Nanawagan si Pangulong Rodrigo Duterte sa Philippine Amusement and Gaming Corporation o PAGCOR na huwag papasukin sa mga casino ang lahat ng mga taga-gobyerno.
Sa isang video na inilabas ng Malacañang, binigyang diin ni Duterte na hindi binabayaran ng pamahalaan ang mga government employees para maglakwatsa sa oras ng trabaho.
Giit ni Duterte, sa oras na ma-activate na ang “hotline 8888” ay maaari nang magreklamo ang mga mamamayan nang direkta sa kanya laban sa mga empleyado at opisyal ng gobyerno na nagpapabaya o umaabuso sa kanilang tungkulin.
Bahagi ng pahayag ni Pangulong Rodrigo Duterte
By Jelbert Perdez
