Kinumpirma na ng PNP Crime Laboratory na ulo ni Canadian Kidnap Victim Robert Hall ang natagpuan sa Jolo, Sulu noong nakaraang linggo.
Ayon kay PNP Crime Lab Director Police Chief Superintendent Manuel Arañas, nakumpirma nila ito sa pamamagitan ng DNA testing sa sample na nakuha sa ulo.
Nagtugma, aniya, ang specimen mula sa narecover na ulo sa DNA records ni Hall na galing sa National Forensic Laboratory Services sa Ottawa, Canada na ipinadala ng Canadian Embassy sa PNP.
Ayon kay Arañas, noong Biyernes pa nila inilabas ang resulta ng DNA matching at naibigay na nila ito sa Embahada ng Canada.
Sa ngayon, aniya, nasa pag-iingat na ng Canadian Embassy ng ulo ni Hall habang patuloy na hinihintay ng PNP crime lab ang nawawalang katawan nito na sasailalim din sa forensic examination.
By: Avee Devierte
