Inalerto ng World Health Organization (WHO) ang Sierra Leone kaugnay ng bagong kaso ng ebola virus na naitala mga karatig bansa nitong Liberia at Guinea.
Ayon sa WHO, may kaugnayan kasi ang nasawing biktima ng ebola sa bagong kaso ng naturang virus sa Guinea.
Lumalabas na nasawi ang isang babaeng may ebola mula Liberia pagkarating nito sa Guinea.
Matapos nito ay walo na ang kasunod na nasawi sa Guinea matapos ang naturang insidente.
Dahil dito, binigyang diin ng WHO na dapat masuri at maging mahigpit ang mga awtoridad sa mga lalabas at papasok sa border ng West African countries upang maiwasan ang pagkalat ng sakit na ebola.
By Ralph Obina
Photo Credit: AFP PHOTO/Carl de Souza
