Nagsampa na ang Bureau of Internal Revenue ng tatlong kasong kriminal sa Department of Justice laban sa ilang kumpanyang may kaugnayan sa POGO o Philippine Offshore Gaming Operators dahil sa mahigit 416 million pesos tax evasion.
Kabilang sa mga kinasuhan ang Zun Yuan Technology Incorporated at mga opisyal nito kaugnay ng hindi pagbabayad ng nasa mahigit apatnaraang milyong pisong buwis.
Ayon kay BIR Commissioner Charlito Martin Mendoza, natuklasan sa imbestigasyon na hindi idineklara ng naturang kumpanya ang malaking bahagi ng kita nito mula sa offshore gaming operations, na nagresulta sa kakulangan sa pagbabayad ng income tax, value-added tax, at withholding taxes.
Kinasuhan na din ng ahensya ang AEP Construction at mga opisyal nito dahil sa mahigit anim na milyong pisong hindi nabayarang buwis, gayundin ang dalawang vat-registered real estate sellers dahil sa umano’y 7.31 million pesos tax deficiency. l mula sa panulat ni Jordan Gutierrez
