Iginiit ni Samahan ng Industriya ng Agrikultura (SINAG) Chairman Rosendo So na patuloy na tumataas ang volume ng inaangkat na bigas sa bansa, na aniya’y umabot na sa halos 4.5 milyong metric tons mula sa dating average na 1.2 milyong metric tons.
Aniya, isa sa mga pangunahing dahilan nito ang pagbaba ng taripa sa imported na bigas sa 15%, na naging dahilan upang mas maging kaakit-akit ang pag-aangkat kaysa pagbili ng lokal na ani. Dahil dito, sinabi niyang marami na ring rice millers ang nagsara o tuluyang lumipat sa pag-aangkat ng bigas.
Dagdag pa niya, na hindi umano nagtutugma ang mga polisiya ng economic team sa mga pahayag at layunin ni Pangulong Ferdinand “Bongbong” Marcos Jr. para sa sektor ng agrikultura. Dahil dito, nagmumukha “bolero” ang Pangulo dahil hindi natutupad ang mga ipinapangako ng Pangulo sa mga magsasaka.
