Dagsa ang mga mag-aaral sa University of the Philippines o UP Observatory kaninang madaling araw para saksihan ang Perseid meteor shower.
Batay sa tala ng Philippine Atmospheric Geophysical and Astronomical Services Administration (PAGASA) Astrology Department, umabot sa 50 bulalakaw kada oras ang nasilayan sa bansa dakong alas-2:00 hanggang alas-3:00 kaninang madaling araw na siyang peak nito.
Sinasabing tira lamang ang mga nakitang bulalakaw sa mga nagdaang kometa at nagtatagal lamang ito ng dalawang segundo bago tuluyang maglaho.
Bukod sa Pilipinas, nasaksihan din ang meteor shower sa iba’t ibang panig ng mundo.
By Jaymark Dagala
