Nagpatotoo ang dating Chairperson ng Anakbayan Central Luzon na si Lady Desiree Miranda sa pang-aabusong nagaganap sa mga kababaihang miyembro ng Anakbayan matapos umano siyang 3 beses na gahasin bago umalis sa grupo.
Ani Miranda siya ay pinagsamantalahan ng kanyang commanding officer noong siya ay 19 taong gulang at nasundan pa nang 20 anyos na siya.
Nakaranas umano ng depresyon si Miranda sa naturang karanasan at inakusahan na nababaliw.
Nung hindi ko na kaya yung depression, sinabihan akong nababaliw daw ako… May sexual disorder daw po ako…delikado daw ako sa mga kasamahang lalaki dahil baka gapangin ko daw sila kaya nila ako pinauwi,” patotoo ni Miranda sa senate hearing na isinagawa.
Dagdag pa ni Miranda , gaya niya nararanasan din ng ibang kababaihan miyembro ang pang-aabuso at di umano’y may nagaganap na ‘women’s sharing’ sa loob ng grupong New People’s Army (NPA).
Pag ikaw ay nahuli na nag-rape, pinapatay ka namin. That is automatic death sentence pero dahil ang nagco-commit ng rape ay matataas na ang katungkulan, puwedeng matago iyan,”ayon kay Military consultant Jeffrey “Ka Eric” Celiz isang dating rebelde.
Dagdag pa ni Celiz na “two-faced monster ” umano ang mga komunistang kilusan.
Samantala inaasahan namang muling magpapatawag ng pagdinig ang Senate Committee on National Defense and Security upang mabigyan ng pagkakataon magpaliwanag ang mga nadadawit na personalidad sa naturang isyu.―sa panulat ni Agustina Nolasco