Kinilala ni political analyst Dr. Froilan Calilung ang ilang programang maituturing na positibong hakbang ng Marcos administration.
Gayunman, sinabi niyang mas nangingibabaw pa rin ang mga suliraning pang-ekonomiya tulad ng mataas na presyo ng kuryente, patuloy na pagtaas ng presyo ng mga bilihin, at paglobo ng foreign debt na nakakaapekto sa pagpasok ng mga mamumuhunan.
Samantala, inihayag din niya na masyadong nakapapabor ang kasalukuyang administrasyon sa mga oligarko at hindi umano nito napananagot ang mga ito na siyang nagpapahirap sa mga Pilipino.
