Sa pahayag na ibinahagi Senador Robin Padilla para kay House prosecution lead counsel Rep. Gerville Luistro, iginiit niya na ang hustisya ay neutral.
Sinabi rin niya na ang tungkulin ng prosecution ay hindi lamang ang makamit ang panalo sa kaso, kundi ang pagtukoy sa katotohanan at pagprotekta sa mga inosente, habang ang defense ay pagtiyak ng karapatang pantao at pagpapanatili ng balanse sa kapangyarihan.
Aniya, kapuwa nagsisilbing haligi ng sistemang legal ang prosecution at defense na may iisang layunin—ang pagkamit ng hustisya. Aniya, hindi dapat maimpluwensiyahan ng alyansang pampulitika o kapangyarihan ang proseso ng batas dahil nawawala ang saysay ng hustisya kapag ito ay pumapanig lamang sa isang panig.
