Nasubasta ang isang Tyrannosaurus rex fossil na pinangalanang “Gus” sa halagang $50.1 million.
Nabatid na ang naturang T. Rex specimen ang isa sa pinakamalaki at pinaka-kumpleto sa buong mundo, at nahigitan ng isang mystery bidder ang halaga ng naisubastang Stegosaurus fossil noong 2024 at maging ang isa pang T. Rex fossil na nabenta noong 2020.
Ayon sa auction house na Sotheby, na nagsagawa ng naturang pagsusubasta, napakaganda ng kondisyon ng naturang T. Rex fossil, kaya ganoon na lamang ang halagang inilabas ng mystery bidder.
Nadiskubre ang nasabing T. Rex fossil noong 2021 sa isang rancho sa Estados Unidos, at ipinangalan ito kay Gary “Gus” Licking, ang namayapang may-ari ng lupain kung saan ito nahanap. | Sa panulat ni Anjo Riñon
