Naghain si Senador Robinhood Padilla ng panukalang batas na magpapatupad ng awtomatikong pagpaparehistro ng mga kwalipikadong Pilipino bilang military reservist.
Sa ilalim ng Senate Bill No. 2042, awtomatikong mairehistro ang mga Pilipinong edad 18 hanggang 25 gamit ang mga government database, kabilang ang Philippine Identification System (PhilSys).
Ayon kay Padilla, layunin ng panukala na mapalakas ang kahandaan ng bansa sa posibleng banta sa seguridad, cyberattacks, at mga kalamidad.
Binanggit din ng senador ang patuloy na tensyon sa West Philippine Sea at Indo-Pacific region bilang isa sa mga dahilan ng kanyang panukala.
