Muling maririnig ng mga fans ng aktor na si John Arcilla ang malutong na linya ng kanyang karakter na si Heneral Antonio Luna sa ilalabas niyang music single na “Ano ba ‘yan, punyeta!”
Ayon sa Star Music, nakatakdang isapubliko ang naturang kanta sa Hunyo 24, 06:00 ng gabi; ngunit maaari na itong i-pre-save sa mga digital streaming platform.
Nabatid na nagsimula ang karera ni John sa teatro bago siya nakilala sa pelikula at telebisyon.
Lalo pang nakilala ang aktor matapos niyang gampanan si Antonio Luna, at dahil na rin sa pagsasalita nito ng “punyeta!” sa pelikulang “Heneral Luna” noong 2015. — Sa panulat ni Anjo Riñon
