Nilinaw ng Federation of Philippine Industries na ang bahagyang pagbagal ng inflation sa bansa nitong Mayo ay pansamantalang kaluwagan lamang dahil nananatili pa rin ang pressure sa ekonomiya.
Ito anila’y dahil mataas pa rin ang gastos ng mga manufacturer sa enerhiya, problema sa logistics, pagtaas ng imported inputs, at sahod.
Ayon kay FPI Chairperson Elizabeth Lee, nananatiling mahina ang demand sa ilang non-essential goods habang pinapahirap ng mataas na interest rates ang pangungutang ng mga negosyo.
Nanawagan ang FPI ng pagpapatuloy ng mga reporma sa enerhiya, logistics, at food systems upang maging mas matatag ang ekonomiya ng bansa sa hinaharap.
