Nagpaabot ng pagbati si House Speaker Faustino Dy III kay Acting Senate President Sherwin Gatchalian matapos italaga bilang pansamantalang bagong mamumuno ng Senado.
Binigyang-diin ni Speaker Dy ang kahalagahan na mapanatiling matatag at ganap na gumagana ang Senado sa panahong umaasa ang mamamayan sa mga institusyon ng gobyerno para sa maayos na pamamahala at liderato.
Ayon sa lider ng Kamara, mahalaga ang papel ng Senado sa pagsusulong ng mga panukalang batas, pagsasagawa ng oversight functions, at pagpapatibay ng demokratikong pamamahala sa bansa.
Kumpiyansa ang Kamara na, sa ilalim ng Konstitusyon, magagampanan ni Gatchalian ang kaniyang tungkulin bilang Acting Senate President nang may integridad, kalayaan, at dedikasyon para sa kapakanan ng publiko.
Aniya, hangad ng Kamara ang tagumpay ni Gatchalian sa pamumuno sa Senado habang hinaharap ng bansa ang iba’t ibang hamon at oportunidad.
Sa ngayon, patuloy na inaabangan ang magiging direksyon ng Senado sa ilalim ng pansamantalang liderato ni Gatchalian. | via Geli Mendez (Patrol 30)
