Pinasinungalingan ng kampo ni Senador Bato dela Rosa ang sinasabing pag-aresto sa senador, kaugnay ng umano’y warrant of arrest mula sa International Criminal Court.
Ayon kay Atty. Israelito Torreon, abogado ni Sen. dela Rosa, wala pang deklarasyon ng pag-aresto laban sa kanyang kliyente.
Nabatid na sinabi ng kolumnistang si Ramon “Mon” Tulfo na aarestuhin na si Sen. dela Rosa dahil sa naging papel nito bilang hepe ng Philippine National Police noong ipinatupad ang drug war ni dating Pangulong Rodrigo Duterte.
Itinanggi rin ni Interior Secretary Jonvic Remulla ang sinasabing pag-aresto at iginiit na wala pa silang nakukuhang arrest warrant hanggang ngayon.—sa panulat ni John Riz Calata
