‘Mala-Ondoy.’
Ganito inilarawan ng Office of Civil Defense ang pananalasa ng Bagyong Tino sa Cebu.
Ayon kay OCD Deputy Administrator at Assistant Secretary Rafaelito Alejandro IV, bagaman mas maraming casualty ang naitala sa kasagsagan ng Bagyong Ondoy noong 2009, halos magkatulad naman ang lawak ng pagbaha ng idinulot nito sa naranasan sa Cebu.
Ipinaliwanag din ni Alejandro na kahit may red rainfall warning na sa Cebu ilang araw bago humagupit ang Bagyong Tino, hindi inasahan ang dami ng ulan na ibinuhos nito, lalo na sa mga urbanized area malapit sa Metro Cebu.
Samantala, nanawagan din si Asec. Alejandro sa pamahalaan at mga developer na suriing mabuti ang pinagtatayuan ng mga bahay at iba pang imprastruktura upang matukoy kung nasa flood at landslide-prone area ba ang mga ito.
