Rerepasuhin ng Land Transportation Franchising and Regulatory Board ang halos apat na libong prangkisa ng mga pampasaherong sasakyan.
Kasunod ito ng utos ni Acting Transportation Secretary Giovanni Lopez na silipin ang aktwal na operasyon ng 3,972 PUVs na bumibiyahe sa Commonwealth Avenue.
Ayon kay LTFRB Chairman Atty. Teofilo Guadiz III, sisiguraduhin nilang nagagamit ng tama ng mga PUV ang kanilang mga prangkisa para sa kaligtasan at kapakanan ng mga commuter.
Samantala, bibigyan naman ng show-cause order ang mga matutukoy na hindi aktibo o bumabiyahe na prangkisa.
