Hinamon ni House Deputy Speaker Ronaldo Puno si Senate President Francis “Chiz” Escudero na pangalanan ang sinasabing nasa likod ng demolition job laban sa kanya.
Matatandaang inakusahan ni S.P. Escudero, na ang may pakana ng demolition job laban sa kanya ay ang mga nagsusulong ng impeachment at mga nasaktan nang hindi umusad ang articles of impeachment laban kay Vice President Sara Duterte.
Para sa mambabatas, hindi magandang pakinggan ang blanket o sweeping statement na palagiang ginagawa ng lider ng Senado laban sa Kamara nang walang batayan.
Anya, isa sa kanyang mga kaibigan si S.P. Escudero pero hindi dapat nito idinadawit ang buong institusyon; at mainam kung tukuyin ng mataas na kapulungan kung sinong mga mambabatas ang nasa likod ng sinasabing demolition job dahil hindi anya ito patas kung makakaladkad ang buong Kamara sa naturang isyu.
