Naniniwala si Senator JV Ejercito na dapat nang matuldukan ang operasyon ng illegal online gambling sa bansa.
Ayon kay Sen. Ejercito, dapat magpatupad ng walang tigil na operasyon laban sa iligal na sugal online hanggang sa ganap na itong mabuwag.
Binigyang-diin ng mambabatas na mahalagang mapuksa ang illegal online gambling dahil sa sinisira nito ang mga pamilya at ang kinabukasan ng mga Pilipino, lalo na ng mga kabataan.
Dahil dito, nanawagan ang senador sa Department of Interior and Local Government, law enforcement agencies, local government units; gayundin sa Bangko Sentral ng Pilipinas at PAGCOR na masusing magtulungan para masugpo ang operasyon ng lahat ng uri ng illegal online sugal.
—sa panulat ni John Riz Calata
