Target ipatupad ng Philippine National Police ang “life time ban on firearms” sa sinumang mahuhuling lumabag sa Comelec gun ban.
Ayon kay PNP Chief General Rommel Francisco Marbil, inaaral na nila ang batas at nakikipag-usap na sila sa mga abugado upang matiyak na ligal ang ilalabas na kautusan.
Binigyang-diin ni Gen. Marbil na sakali mang maipatupad ang “life time ban” ay wala silang sasantuhin.
Sinabi ng PNP Chief ang planong kautusan matapos ang road rage incident sa Antipolo na ikinasugat ng apat na indibidwal.—sa panulat ni John Riz Calata
