Arestado ng mga otoridad ang isang miyembro ng Civilian Volunteer Organization na dawit sa Maguindanao massacre.
Narekober sa suspek na nakilalang si Sanggutin Musa alias Mores Ali Musa, residente ng Shariff Aguak, Maguindanao, ang isang kalibre 45 pistola at mga bala.
Naaresto si Musa nang pinagsanib na puwersa ng Maguindanao PNP at Sultan Kudarat PNP sa Barangay Masaling Lambayong sa lalawigan ng Sultan Kudarat sa bisa na rin ng arrest warrant na inisyu ni QC RTC Judge Jocelyn Solis Reyes.
Si Musa ay dati umanong CVO ng yumaong dating Maguindanao Governor Datu Andal Ampatuan, Sr.
By Judith Larino
