Dead on arrival sa ospital ang isang lalaki matapos aksidenteng maiputok ang baril sa sarili habang nag-iinuman kasama ang mga kaibigan sa Calamba, Laguna.
Kinilala ang biktima na si Reggie Ronda Galang.
Ayon sa awtoridad, kinuha ni Galang ang kanyang baril sa kanyang bag, ngunit nahulog ito sa sahig ng siya ay uupo sa monoblock, na nagresulta sa isang malakas na putok na tumama sa kanyang singit.
Agad naman siyang isinugod ng mga kaibigan sa ospital ngunit idineklara na itong patay.
Isasailalim ng mga awtoridad ang katawan ng biktima sa autopsy upang matukoy ang tunay na dahilan ng kanyang pagkamatay.
