Nagbabala ang I.L.O. International Labor Organization na ang matinding init ng panahon ay maaaring magdulot ng sakit sa pag-iisip.
Batay sa pahayag ng I.L.O., bukod sa banta ng stroke at heat stress, ang mataas na heat index ay maaaring maging sanhi ng stress, anxiety, depression, substance abuse, post traumatic stress disorder at maaari ring humantong sa pagpapatiwakal.
Bukod dito, binigyang-diin ng I.L.O. Na ang matinding init na nararamdaman ng mga empleyado ay maaaring magdulot ng tensyon na makaha-hadlang sa kakayahang gawin ang trabaho.
Lumabas sa pag-aaral ng naturang organisasyon na kalahati sa 3.4 billion na mga manggagawa sa buong mundo ang nakakaranas ng sobrang init na panahon habang nagta-trabaho.
Una nang pinayuhan ng Department of Labor and Employment (DOLE) ang mga employer na maglatag na gumawa ng mga hakbang na makatutulong upang maibsan ang matinding init ng panahon sa trabaho. – sa panunulat ni Maianne Dae Palma
